Qazaqstanda áýe qatynasy toqtaı ma?

444

Nur-Sultan áýejaıy men "SKAT" áýe kompanııasynyń avıaotyn jetispeýshiligine qatysty málimdemelerine baılanysty QR Indýstrııa jáne ınfraqurylymdyq damý mınıstrligi túsinikteme berdi, dep habarlaıdy "Adyrna" ulttyq portaly "Zakon.kz-ke "silteme jasap.

Pavlodar munaı-hımııa zaýytynda (PMHZ) jóndeý jumystaryna baılanysty avıa otynnyń ishki naryǵynda áýejaılar men áýe kompanııalary úshin avıakerosın óndirýge jáne qamtamasyz etýge baılanysty belgili bir qıyndyqtar bar ekendigi belgili boldy. Degenmen turaqty jolaýshylar jáne júk reısteri úzdiksiz qamtamasyz etildi. QR IIDM QR Energetıka mınıstrligimen birlesip, zaýyttardan, jeke kompanııalardan, "QazMunaıGaz-Aero" JShS-dan PMHZ jumysyn qaıta bastaǵanǵa deıin áýe kompanııalary men áýejaılarǵa otyn jetkizý kestesin ázirledi.

Búgingi tańda áýejaılarda 27,9 myń tonna otyn bar. 9,2 myń tonna zaýyttardan jóneltilgen. 15,6 myń tonnaǵa kelisimshart jasalǵan. Jalpy kólemi - 53 myń tonna.

Qazan aıynyń sońyna deıin munaı óńdeý zaýyttary 2 myń tonna avıaotyn shyǵarady. Onyń ishinde Nur-Sultan qalasynyń áýejaıy úshin qosymsha otyn bólinedi. Sondaı-aq, "SKAT" áýe kompanııasyna Shymkent munaı óńdeý zaýytynan qosymsha avıakerosın jetkizý josparlanyp otyr.

Elorda áýejaıynda 3,1 myń tonna avıakerosın bar. Jaqyn kúnderi 3,9 myń tonna (3 myń tonna – "QazMunaıGaz-Aero" JShS, 0,7 myń tonna – "Petrosan" JShS, 0,2 myń tonna – East fuel) jetkizý josparlanyp otyr. Almaty áýejaıyndaǵy otyn qaldyǵy - 5,4 myń tonna. 4 myń tonna jóneltilip, jolda bara jatyr. 5,8 myń tonnaǵa kelisimshart jasalǵan.

"Eır Astana" áýe kompanııasynda 7,4 myń tonna, "SKAT" áýe kompanııasynda 1,7 myń tonna otyn qalǵan. 1,5 myń tonnaǵa kelisimshart jasalǵan. Turaqty áýe reıster úzdiksiz oryndala beredi" - delingen habarlamada.

 

"Adyrna" ulttyq portaly

Pikirler
Redakııa tańdaýy