Osydan týra 15 jyl buryn reseılik jýrnalıst jáne quqyq qorǵaýshy Anna Polıtkovskaıa Máskeýdiń ortalyǵyndaǵy úıiniń lıftinde atyp óltirildi. Onyń ne úshin kúreskeni týraly jáne jýrnalıstiń ólimine qatysty iske Prezıdent "kóńil bólmegenin" "news.obozrevatel.com" basylymy habarlaıdy.
Reseılik "Novaıa gazeta" basylymynyń áskerı tilshisi jáne jetekshi avtory, bedeldi halyqaralyq nagradalardyń ıegeri Anna Stepanovna Polıtkovskaıa tek Reseı Federaııasyna ǵana emes, búkil álemge soǵys júrip jatqan Sheshenstan týraly, Reseı armııasyndaǵy zulymdyq, joǵary áskerı qyzmet týraly jarııalanymdarynyń arqasynda tanymal boldy.
Polıtkovskaıa Qorǵanys mınıstrligindegi áskerı qylmyskerler men sybaılas jemqorlyqty anyqtap, sonymen qatar Vladımır Pýtındi jáne onyń aınalasyndaǵylardy qatań synǵa alyp, "Ekinshi sheshen" jáne "Pýtındik Reseı" atty kitaptaryn shyǵardy. Al Anna Polıtkovskaıanyń "Nege?" atty eńbegi onyń qaıǵyly óliminen keıin jaryqqa shyqty.
2006 jyldyń 7 qazanynda Reseı Prezıdentiniń týǵan kúninde bolǵan jýrnalısti óltirgeni úshin tek oryndaýshylar men deldaldar sottalyp, (12 jyldan ómir boıyna deıin) jazaǵa kesildi. Al tapsyrys bergenderdiń aty-jóni álige deıin atalmady jáne atalmaıdy da, sebebi 2021 jyldyń 7 qazanynda, 15 jyldan keıin bul is boıynsha eskirý merzimi aıaqtaldy.
2021 jyldyń shildesinde 93 jasynda Anna Polıtkovskaıanyń anasy Raısa Mazepa qaıtys boldy, ol shyndyqtyń betin ashylsa dep ómir súrdi.
Oqıǵanyń mánisine qarsaq, bizde kóp adam: "Pýtın bárine jaýap bere almaıdy!" – dep aıqaılaıdy. Árıne, ol múmkin emes. Ol Prezıdent retinde metodologııaǵa jaýap beredi. Bizde dástúrimiz sol: kim joǵaryda otyrsa, soǵan elikteıdi".
Prezıdenttik saılaýdyń aldyndaǵy 2000 jyldy eske túsireıik. Sodan keıin kópshiligi: "Jaraıdy, shaıtan ondaı qorqynyshty emes. Endeshe ol Keńes dáýirindegi KGB-dan kelse she? .. Bul qıynǵa túsedi",-dedi.
"Pýtın kóp jaǵdaıda ashyq túrde pikirtalastyń ne ekenin túsinbeıtinin kórsetti. Onyń ústine, Pýtınniń pikirinshe, pikirtalasty basshymen talqylaýǵa bolmaıdy. Al eger baǵynýshy pikirtalasqa qosylsa, onda onyń jaý ekenin bildiredi".
"Men jıi oılaımyn: Pýtın adam ba? Álde "temir" músin be? Keıde onyń adam ekenine kúmándanyp, jaýap taba almaımyn".
Eshteńeden qoryqpaıtyn jýrnalıstiń ómirine kelsek, oǵan qasaqana birneshe ret talpynys jasaldy. Mysaly, 2004 jyly 2 qyrkúıekte Beslan mektebinde barymtaǵa alynǵan kezde Polıtkovskaıa kelissózderge deldal bolý úshin Beslanǵa ushyp ketti. Biraq ushaqta sháı iship, es-tússiz qalǵan.
"Belgisiz ýly zattarmen ýlaný" dıagnozymen aýyr halde Rostov-na-Doný qalasyndaǵy aýrýhanaǵa jatqyzylǵan. Dosy men áriptesi, "Novaıa gazeta" basylymynyń bas redaktory Dmıtrıı Mýratovtyń aıtýynsha, Anna Polıtkovskaıadan alynǵan test nátıjeleri joıylǵan.
Onyń ózi FSB qyzmetkerleriniń ýlanýǵa qatysy bar dep málimdedi, osylaısha oǵan Beslandaǵy jaǵdaıdy retteý josparyn oryndaýǵa jol bermeýge tyrysty.
...Búginde Mılan, Ferrara, Genýıa, Tbılısı, Karlovy Vary jáne álemniń basqa qalalaryndaǵy kósheler, saıabaqtar, baqtar, alańdar Anna Polıtkovskaıanyń esimimen atalady. Bir kúni Ýkraınada da onyń qurmetine atalǵan oryndar bolatyn shyǵar. Qalaı degenmen, Anna Polıtkovskaıa bizdiki dep aıtýǵa tolyq negiz bar!
"Adyrna" ulttyq portaly.
