Осыдан тура 15 жыл бұрын ресейлік журналист және құқық қорғаушы Анна Политковская Мәскеудің орталығындағы үйінің лифтінде атып өлтірілді. Оның не үшін күрескені туралы және журналистің өліміне қатысты іске Президент "көңіл бөлмегенін" "news.obozrevatel.com" басылымы хабарлайды.
Ресейлік "Новая газета" басылымының әскери тілшісі және жетекші авторы, беделді халықаралық наградалардың иегері Анна Степановна Политковская тек Ресей Федерациясына ғана емес, бүкіл әлемге соғыс жүріп жатқан Шешенстан туралы, Ресей армиясындағы зұлымдық, жоғары әскери қызмет туралы жарияланымдарының арқасында танымал болды.
Политковская Қорғаныс министрлігіндегі әскери қылмыскерлер мен сыбайлас жемқорлықты анықтап, сонымен қатар Владимир Путинді және оның айналасындағыларды қатаң сынға алып, "Екінші шешен" және "Путиндік Ресей" атты кітаптарын шығарды. Ал Анна Политковскаяның "Неге?" атты еңбегі оның қайғылы өлімінен кейін жарыққа шықты.
2006 жылдың 7 қазанында Ресей Президентінің туған күнінде болған журналисті өлтіргені үшін тек орындаушылар мен делдалдар сотталып, (12 жылдан өмір бойына дейін) жазаға кесілді. Ал тапсырыс бергендердің аты-жөні әліге дейін аталмады және аталмайды да, себебі 2021 жылдың 7 қазанында, 15 жылдан кейін бұл іс бойынша ескіру мерзімі аяқталды.
2021 жылдың шілдесінде 93 жасында Анна Политковскаяның анасы Раиса Мазепа қайтыс болды, ол шындықтың бетін ашылса деп өмір сүрді.
Оқиғаның мәнісіне қарсақ, бізде көп адам: "Путин бәріне жауап бере алмайды!" – деп айқайлайды. Әрине, ол мүмкін емес. Ол Президент ретінде методологияға жауап береді. Бізде дәстүріміз сол: кім жоғарыда отырса, соған еліктейді".
Президенттік сайлаудың алдындағы 2000 жылды еске түсірейік. Содан кейін көпшілігі: "Жарайды, шайтан ондай қорқынышты емес. Ендеше ол Кеңес дәуіріндегі КГБ-дан келсе ше? .. Бұл қиынға түседі",-деді.
"Путин көп жағдайда ашық түрде пікірталастың не екенін түсінбейтінін көрсетті. Оның үстіне, Путиннің пікірінше, пікірталасты басшымен талқылауға болмайды. Ал егер бағынушы пікірталасқа қосылса, онда оның жау екенін білдіреді".
"Мен жиі ойлаймын: Путин адам ба? Әлде "темір" мүсін бе? Кейде оның адам екеніне күмәнданып, жауап таба алмаймын".
Ештеңеден қорықпайтын журналистің өміріне келсек, оған қасақана бірнеше рет талпыныс жасалды. Мысалы, 2004 жылы 2 қыркүйекте Беслан мектебінде барымтаға алынған кезде Политковская келіссөздерге делдал болу үшін Бесланға ұшып кетті. Бірақ ұшақта шәй ішіп, ес-түссіз қалған.
"Белгісіз улы заттармен улану" диагнозымен ауыр халде Ростов-на-Дону қаласындағы ауруханаға жатқызылған. Досы мен әріптесі, "Новая газета" басылымының бас редакторы Дмитрий Муратовтың айтуынша, Анна Политковскаядан алынған тест нәтижелері жойылған.
Оның өзі ФСБ қызметкерлерінің улануға қатысы бар деп мәлімдеді, осылайша оған Бесландағы жағдайды реттеу жоспарын орындауға жол бермеуге тырысты.
...Бүгінде Милан, Феррара, Генуя, Тбилиси, Карловы Вары және әлемнің басқа қалаларындағы көшелер, саябақтар, бақтар, алаңдар Анна Политковскаяның есімімен аталады. Бір күні Украинада да оның құрметіне аталған орындар болатын шығар. Қалай дегенмен, Анна Политковская біздікі деп айтуға толық негіз бар!
"Адырна" ұлттық порталы.
