Klımattyń ózgerýine baılanysty túıin jasaǵan sarapshylar jahandyq jylyný adamdardyń jappaı sozylmaly búırek jetkiliksizdigi epıdemııasyna shaldyǵýy múmkin ekendigin aıtty dep habarlaıdy "Adyrna" ulttyq portaly.
"RIA Novostıdiń" habarlaýynsha, dárigerler sozylmaly búırek aýrýynyń kóbeıýi aldaǵy onjyldyqtarda oryn alady dep boljap otyr. Sebebi aldaǵy jyldary álem boıynsha temperatýra kóteriledi dep kútilýde. Ásirese, aýyr fızıkalyq jumys isteıtin adamdar arasynda atalǵan aýrýdyń artý qaýpi joǵary.
Aptap ystyq kúnder sany artyp, synap baǵany kóterilgen saıyn, jumysshylar, ásirese, tropıkalyq jáne sýbtropıkalyq aımaqtarda ómir súretin álem halqynyń úshten ekisi ystyqtyń soǵýynan aýlaq bolýy qıynǵa soǵady. Ystyq soǵyp, dińkeni qurtý mıllıondaǵan adamdardyń ómirine qaýip tóndiredi jáne kedeılikti tómendetýge baǵyttalǵan barlyq kúsh-jigerdi joqqa shyǵarady, - dep habarlaıdy agenttik klımattyń ózgerýi boıynsha úkimetaralyq sarapshylar tobynyń (IPCC) burynǵy múshesi Tord Kellstromnyń sózin keltirip.
Basylymnyń habarlaýynsha, Ortalyq Amerıkanyń shyjyǵan aýyldyq aımaqtarynda, mysaly, Salvador men Nıkaragýada, aýylsharýashylyq jumysshylary búırek aýrýlarynan óle bastaǵan.
Sonymen qatar dárigerler Ortalyq Amerıkanyń basqa bólikterinde, Amerıkada, Taıaý Shyǵysta, Afrıka men Úndistanda osyndaı jaǵdaılardyń kóbeıip jatqanyn aıtady.
"Adyrna" ulttyq portaly.
