Biyl atom iadrolyq jarylysyna qarsy "Nevada-Semei" halyqaralyq qozǧalysynyŋ qūrylǧanyna 32 jyl tolyp otyr. Osyǧan orai Semei qalasyndaǧy Abai atyndaǧy ortalyq kıtaphanada "Semei iadrolyq synaq poligony turaly zaŋdy ıske asyrudyŋ problemalary men perspektivalary" atty halyqaralyq konferensiia öttı. Oǧan elımızdıŋ barlyq öŋırınen jäne onlain rejimde körşıles memleketterden belgılı tūlǧalar men qozǧalys ökılderı, aqyn-jazuşylar men ardagerler qatysty. Şaraǧa aqtöbelıkter de üles qosty dep habarlaidy "Adyrna" ūlttyq portalynyŋ tılşısı.
Şarany onlain rejimde qoǧam qairatkerı, "Nevada-Semei" qozǧalysynyŋ köşbasşysy Oljas Süleimenov aşyp, 1989 jylǧy 19 qazanda Halyqaralyq antiiadrolyq "Nevada-Semei" qozǧalysy Semei poligonynda josparlanǧan 18 iadrolyq jarylystyŋ 11-ın toqtatqanyn, KSRO äskeri-önerkäsıptık keşenı quatty da aibyndy küşke ie bolyp otyrǧan sol uaqytta būl qaharmandyq ıs bolǧanyn jetkızdı.
Aita ketu kerek, 1989 jyldyŋ 19 qazanynda TASS Semei poligonynda quattylyǧy 150 kilotonnany qūraǧan kezektı jerasty jarylysy turaly habarlaǧan kezde osynau ızgılıktı missiiany oryndau üşın Oljas Süleimenov halyqtyŋ qalyŋ būqarasy men parlamenttık diplomatiiany keŋınen tartu ūşın zor küş-jıger jūmsady. Qozǧalys Almatyda, Semeide, Saranda, Qarauylda, Mäskeude narazylyq mitingılerın ūiymdastyrdy. Qaraǧandy men Pavlodardaǧy mitingılerde KSRO Joǧary Keŋesıne Ündeu qabyldanyp, Semei iadrolyq poligonyn jabu turaly mäselenı şūǧyl engızu talap etıldı.
Konferensiia barysynda baiandama jasaǧan "Nevada-Semei" halyqaralyq antiiadrolyq qozǧalysynyŋ müşesı Güldana Nūrpeiısova qozǧalys ökılderı elımızdıŋ är öŋırınde qandai jūmystar atqarylyp jatqandyǧyn aityp, Aqtöbe men Atyrau oblystarynyŋ jasap jatqan bastamalaryn özgelerge ülgı ettı. Sondai-aq ol biyl küzde halyqaralyq qozǧalystyŋ qūrylǧanyna 32 jyl toluyna orai alda taǧy bırqatar şaralar ötetının aitty.
Jiynda semeilıkter memleket tarapynan berıletın jeŋıldıkter mäselesıne toqtalyp, zaŋǧa säikes aldaǧy uaqytta būl baǧyttaǧy problemalardyŋ şeşıluın sūrady.
Konferensiia soŋynda qala basşylyǧy qatysuşylarǧa rizaşylyǧyn jetkızıp, estelıkke kıtaptar tartu ettı.
— Qazaqstan — iadrolyq qarudan öz erkımen bas tartqan alǧaşqy el. Sondai-aq qarapaiym halyq, bilık pen saiasatkerlerdıŋ ızgı nietın bırıktıruge bolatynyn älemge däleldegen memleket. Qazaqstan özınıŋ bastamasyn eŋ joǧary tribunalarda bırınşı bolyp jetkızdı. Būl ülken qadam boldy. Bügıngı şarada bız osy jönınde öz pıkırımızdı aityp, bolaşaq ūrpaqtyŋ jadynda qalatyndai bastamalardy jüzege asyruǧa tiıs ekenımızdı tüsındık, — deidı aqtöbelık belsendı jas deputat Azamat Usimbekov.
"Adyrna" ūlttyq portaly.
