Qaraǧandy oblysy, Şahtinsk qalasynda mügedek balalardyŋ ata-analary dabyl qaǧuda. Balalar jattyǧatyn damu ortalyǧy ǧimaratsyz qaluy mümkın. Būl turaly “Adyrna” ūlttyq portaly QazAqparat saityna sılteme jasap habarlaidy.
Kekeş, autizm jäne Daun sindromy bar balalarǧa arnalǧan damu ortalyǧy bes jyldan astam uaqyt jūmys ıstep keledı. Onda 20-dan astam bala ainalysady. Jaqynda sabaqtar ötetın ǧimarattan aiyrylu qaupı tuyndady. Ortalyq ielerı ǧimaratty satyp almaqşy bolǧan. Alaida bank olarǧa nesie beruden bas tartty.
«Bankter bızge nesie beruden bas tartady, öitkenı ötken jyldardaǧy tabysymyz öte az boldy. Därıgerlerdıŋ sanitarlyq talaptary boiynşa nysanda balalardy qabyldauǧa şekteuler bolǧandyqtan, bız sabaqtardy jürgıze almadyq», - deidı damu ortalyǧynyŋ jetekşısı Elena Rataşuk.Būl jaǧdai turaly bılgen soŋ, ortalyqqa kelgen balalardyŋ ata-analary dabyl qaǧa bastaǧan. Olar qala bilıgınen üi-jai mäselesın şeşudı ötınude. Şahtinsk qalasynyŋ bılım beru bölımınde balalar köşede qalmaidy, olardy memlekettık balabaqşalar qabyldaidy dep sendırdı. Erekşe qajettılıkterı bar balalar üşın onda 200-den astam oryn bar. Sondai-aq, bılım bölımı memlekettık tapsyrys boiynşa 75 balaǧa qarajat böluge daiyn ekenderın jetkızdı. Alaida ortalyqqa qoiylyp otyrǧan mındettı şart – sabaqtardy ötkızu üşın ǧimarattyŋ boluy.
«Käsıpker aiyna 4 mln teŋgege deiın alady. Tiısınşe, memleket osy bılım beru ūiymyna qarajat bölu üşın olardyŋ materialdyq-tehnikalyq bazasy qūryluy kerek degen talap qoiady. Öŋırde bos ǧimarattar bar», - deidı Qalalyq bılım bölımınıŋ basşysy Nikolai Onsovich.
”Adyrna” ūlttyq portaly
Ūqsas jaŋalyqtar
