Sarapşylar bır aidan keiın taksi qūny taǧy 10-15%-ǧa qymbattauy mümkın ekenın aitady, dep habarlaidy “Adyrna” ūlttyq portaly “Habar”arnasyna sılteme jasap.
Elde taksi qyzmetınıŋ qūny şaryqtap kettı. Mamandar mūnyŋ sebebı naryqta sanauly kompaniia bolǧandyqtan, bäseke joq deidı. Jolauşylar taksi baǧasynyŋ qymbattap bara jatqanyna narazylyq tanytty. Äsırese ırı qalalarda kün raiynyŋ özgeruıne bailanysty jäne kölık keptelısı kezınde jol aqysy özgeredı deidı.
Astanalyqtar jūmystan keiın ışı lyq toly qoǧamdyq kölıkke syǧylysyp mınuge tyrysady. Eger ülgermese, taksi qyzmetıne jügınuge tura keledı. Al taksi qūny keşkı altydan keiın şaryqtap ketedı.
“Halyqtyŋ 90 paiyzdan astamy mobildı qosymşa arqyly taksi qyzmetın paidalanady. Kölıktıŋ baǧasy 15 paiyz qymbattaidy. Jäne janarmai qymbattauy da sebep bolyp otyr. Sonymen qatar bäsekelestık bolmauy da äser etedı. Mobildı qosymşaǧa tırkelgenderdıŋ sūranysy artady, onyŋ üstıne keptelıs bar. Osy faktorlarǧa bailanysty qūny esepteledı”, – deidı Qazaqstan taksi qauymdastyǧynyŋ töraǧasy Medet Qūrmanov.
Būl salany baqylauǧa alu qajet ekenı jyldar boiy aitylyp keledı. Degenmen nätije joq. Qazır elde reseilık tehnologiialyq alpauytpen bäsekelese almaityn bırneşe kompaniia bar. Būrynǧy dispetcherlık qyzmetter joqtyŋ qasy. Sala mamandarynyŋ aituynşa, taksoparkter qazır Yandex, Uber nemese Didi sekıldı agregatorlarmen serıktestıkte. Naryq özın-özı qalyptastyrady. Būǧan memlekettık organdardyŋ aralasuy jön emes deidı.
“2010 jyldan bastap bızde klassikalyq taksopark boldy. 2014 jyly taxi.kz mobildı qosymşamyz boldy. Sol jyly naryqqa indraiver keldı. Bız olarmen ūzaq uaqyt bäseke boldyq. 2015-16 jyldary Iаndeks pen Uber naryqqa kırıp, bızdıŋ mobildı qosymşamyz olarmen bäsekelese almady. Didi qysta kelıp, naryqqa kıruge ūmtyldy. Būl tarifterge de äser ettı, jürgızuşıler men jolauşylar osy bäsekede paida tapty. Elde monopolist joq, būl bızge paidaly”, – deidı taksopark iesı Timur Qūdaibergenov.
Bıraq elde taksi naryǧynyŋ monopoliialanuy jaily aituǧa negız joq. Būl sarapşy pıkırı. Qazır jergılıktı kompaniialar joiylyp, şeteldık platformalar naryqty basyp aldy. Olarmen kışı taksoparkter bäsekelese almaidy.
“Ökınışke qarai, bızdıŋ IT-kompaniialar der kezınde qimyldamady. Şeteldık kompaniialardyŋ eşqaisysy memlekettık emes, jeke kompaniia. Sondyqtan bızdıŋ IT-kompaniialarymyzǧa tapsyrystar qyzmetınıŋ osyndai servisterın jasauǧa eşkım kedergı jasaǧan joq. Mysaly, Ukraina naryǧy däl solai. Onda köşbasşylardyŋ bırı - jergılıktı kompaniia. IT-naryǧynyŋ naşar damuyna bailanysty elde bäseke de bolmai otyr”, – deidı halyqaralyq investisiialyq kompaniia sarapşysy Andrei Chebotarev.
Tūtynuşylar baǧasynyŋ düniejüzılık derekqory mälımetterıne säikes, Qazaqstan bügınde TMD elderındegı taksi qyzmetterınıŋ eŋ joǧary tarifterı boiynşa alǧaşqy üştıkke kıredı. Sarapşylardyŋ boljamy boiynşa, bır aidan keiın baǧalar taǧy 10-15% köterıluı mümkın.
”Adyrna” ūlttyq portaly
