Shymkent qalasynda kólik keptelisin boldyrmaý maqsatynda kóshelerdiń qıylysyna oń jaq ótkelin salý jumysy qarqyn alǵan. Qalada oń jaq ótkelderdiń jalpy qajettiligi – 45 oryn bolsa, 2021 jyldyń jospary boıynsha 8 kóshedegi 10 orynǵa jerge oń jaq ótkel salynýda.
Aıta ketsek, jyl basynda bıyl 11 orynǵa oń jaq ótkel salý josparlanǵan bolatyn. Jolaýshylar kóligi jáne avtomabıl joldary basqarmasynyń málimetinshe, jobaǵa ózgeris engizilip, salynatyn ótkel sany 10 bolyp bekitildi.Atap aıtqanda, Sypyrǵan ata – Ál-Farabı, Sypyrǵan ata –Temirlan tas jolynyń qıylysy, Rysqulov–Adyrbekov, Arǵynbekov–Ótegenov, Rysqulov–Shaıahmetov, Rysqulov –Qazıev, Shaıahmetov–Arǵynbekov jáne Arǵynbekov–Baıterekov kósheleriniń qıylysynda qurylysty 3 merdiger mekeme jumys júrgizip otyr. Atalǵan kóshelerde jumys aıaqtalǵan soń 60 jol belgisi ornatylady. Oń jaq ótkelin salý jumysy osy jyldyń sáýir aıynda bastalǵan. Qurylystyń aıaqtalýy qazan aıynyń sońyna josparlanǵan.
