Jaqynda ekinshi ret turmysqa shyqqan ánshi Altynaı Jorabaeva ózinen alty jas kishi kúıeýinen máhirge sý jańa kólik suraǵan dep habarlaıdy "Adyrna" ulttyq portaly "Express Qazaqstan" saıtyna silteme jasap.
Bul týraly ánshi óziniń Instagram-daǵy paraqshasynda jazdy. Neke qıǵanda áıeldiń máhirge záýlim úı, qymbat kólik, iphone talap etýi durys pa? Eldiń aldynda jarqyrap júrgen juldyzdardyń máhirge qymbat kólik alyp, onysyn maqtanyp jelige salýy qanshalyqty durys? Osy saýaldarǵa jaýap bergen Almaty qalasyndaǵy Dinmuhamed Qonaev atyndaǵy meshittiń bas ımamy tanymal adamdardyń máhirge alǵan dúnıesin jarııaǵa jar salyp kórsetýi durys emes ekenin aıtady. Sebebi olarǵa elikteıtin jastar kóp.
— Qalyńdyqtyń záýlim úı, qymbat kólik suraýy durys emes. Osyndaı talaptyń saldarynan jastar birin-biri túsinbeı ajyrasyp ketkender de jeterlik. Áıelge óziniń ákesi nemese anasy jaǵynan jaqyn týystaryna berilgendeı máhir berilýi kerek,— deıdi Meıirjan Rahmatýllauly.
Imamnyń aıtýynsha, qalyńdyq máhir suraǵanda bolashaq kúıeýiniń jaǵdaıyna qaraýy kerek. Ol qalyńdyǵynyń qalaýyn satyp áperem dep ózi qaryzǵa batyp ketpeýge tıis.
— Kúıeýdi qaryzǵa batyratyndaı kóp nemese qyzdyń kóńilin renjitetindeı kem bolmaýy kerek. Máhirdi birden berýge shamasy jetpese, onyń bir bóligin aldyn ala berip, qalǵanyn keıin bere alady,— deıdi bas ımam.
Aıta ketý kerek, máhir — er adamnyń qalyńdyǵyna jasaıtyn syılyǵy. Máhirdiń eń tómengi mólsheri 10 dıhram, ıaǵnı 60 myń teńge.
"Adyrna" ulttyq portaly.
