QR Táýelsizdiginiń 30 jyldyǵy qarsańynda Shymkent qalasynda nysana kózdeýden eresekter men jasóspirimder arasynda Azııa chempıonaty ótedi. 10-20 qyrkúıek aralyǵyna josparlanǵan qurlyqtyq týrnır Azııa atý konfederaııasy men Qazaqstan sporttyq atý federaııasynyń qoldaýymen uıymdastyrylyp otyr. "Shymkent Shooting Plaza" atý kesheninde XIV Azııa chempıonatynyń saltanatty ashylý rásimi ótti. Jıynǵa Shymkent qalasynyń ákimi Murat Áıtenov, Azııa atý konfederaııasynyń prezıdenti sheıh Salman Ál-Sabah qatysyp, qatysýshylarǵa sáttilik tiledi.
Azııa chempıonatyna 11 memleketten 160 sportshy qatysýda. Atap aıtar bolsaq, Shymkent tórinde Bahreın, Indonezııa, Qyrǵyzstan, Saýd Arabııasy, Kýveıt, Pákistan, Katar, Taıland, BAÁ, Ózbekstannan, jalpy 120-dan astam sportshy synǵa túsedi.
Murat Áıtenov - Shymkent qalasynyń ákimi
Dúbirli jarys ótip jatqan "Shymkent Shooting Plaza" - Azııa óńirindegi eń iri atý keshenderiniń biri. Jarysqa qatysýshy sportshylar, jattyqtyrýshylar jáne tóreshiler PTR-testileýdiń teris nátıjesi týraly anyqtama berdi, resmı delegaııa, sportshylar men qatysýshylar ár 3 kún saıyn COVID-19-ǵa PTR testin tapsyrady. Týrnır sport nysanyndaǵy barlyq sanıtarlyq normalardy saqtaı otyryp ótkiziledi. Atalǵan is-sharany uıymdastyrýǵa Mádenıet jáne sport mınıstrligi, QR Ulttyq Olımpıada Komıteti jáne Shymkent qalasynyń ákimdigi qoldaý kórsetti.
Ashat Toqmuqov – Qyrǵyzstandyq mergen /Aýdarma/
AZIIa ChEMPIONATY: EL QORJYNYNDA – BIR ALTYN, BIR KÚMIS JÚLDE
Shymkent qalasynda nysana kózdeýden Azııa birinshiligi bastaldy. Alǵashqy jarys kúninde Qazaqstan komandasy bir altyn, bir kúmis júlde jeńip aldy. Eresekter arasynda 10 metrge pnevmatıkalyq tapanshamen atý jattyǵýynda otandasymyz Eldar Imanqulov jeńiske jetti. Onyń enshisinde – 235.1 upaı. Ekinshi orynda Saýd Arabııasynyń ókili Sofar Mohammmad Aldosarı, úshinshi orynda taılandtyq Noppadon Sýtvırýh. Jastar arasynda tapanshamen 10 metrge nysana kózdeýden taǵy bir qazaqstandyq Iaroslav Mahnev kúmis júldege ıe boldy. Bul básekede altyn júldeni ózbekstandyq Ýmıdbek Kamalbekov, qolany taǵy bir ózbek mergeni Muhammad Kamalov enshiledi. Al jasóspirim arasynda ózbekstandyq Ilhombek Obıdjonov jeńimpaz atandy. Alǵashqy kúnniń qorytyndysy boıynsha Qazaqstan quramasy ázirge 1 altyn, 1 kúmis júlde ıelendi. Aıta ketelik, nysana kózdeýden Azııa chempıonaty osymen 14-shi ret uıymdastyrylyp otyr. Qurlyq dodasy 20 qyrkúıekke deıin jalǵasady.
Á. Dáýletbekqyzy
