Shymkentke «Elim úshin egilemin» atty azamattyq shtabtyń ókilderi keldi. Atap aıtqanda, Qazaqstan zańgerler odaǵynyń Nur-Sultan qalasyndaǵy fılıalynyń tóraǵasy, azamattyq shtab múshesi Serik Berkamalov pen sanıtarlyq-epıdemıologııalyq baqylaý komıtetiniń resmı ókili Erjan Baıtanaev qaladaǵy Oqýshylar saraıynda mektep dırektorlary jáne muǵalimdermen kezdesti.
Aıta keteıik, bul shtab bıylǵy tamyz aıynda qurylǵan. Azamattyq shtabtyń maqsaty – halyqqa vakına qabyldaý sharasynyń mán-mańyzyn túsindirip, eldi ekpe týraly jalǵan aqparattardan aýlaq bolyp, resmı aqparatqa ǵana senip, máseleniń aq-qarasyn ajyrata bilýge úndeý.
—Búkil elimizdiń pandemııaǵa deıingi qalypty ómirge oralýynyń jalǵyz joly – vakınaııalaý. Búginde Shymkentte azamattardyń basym bóligi ekpe qabyldap úlgerdi. Alaıda aldymyzda revakınaııa naýqany tur. Ekpe qabyldaǵanyna 9 aı tolǵan azamattar endigi jerde ınaktıvtelgen vakınany qabyldaýy tıis. Oǵan qosa búginde el Úkimeti Pfizer vakınasyn óndirýshilermen kelissóz júrgizip jatyr. Aldaǵy ýaqytta elimizge ekpeniń osy túri kelse, júkti áıelder men oqýshylar vakınalanýy múmkin, – dedi E.Baıtanaev.
Onyń aıtýynsha, ekpe 12-17 jas aralyǵyndaǵy balalarǵa ata-anasynyń kelisimimen ǵana salynady. Ata-anasy ekpeden bas tartqan jaǵdaıda oqýshyny eshkim májbúrlep vakınalamaıdy. Ekpe salǵyzbaǵan oqýshylar sabaqtan shettetilmeıdi.
—Qala berdi vakınaııalaý mektep qabyrǵasynda júrgizilmeıdi. Bul vakınany balasyna salǵyzǵysy kelgen ata-analar arnaıy bekitilgen emhanaǵa balasyn ertip barýy tıis. Ekpe sol jerde ata-ananyń jáne dárigerdiń baqylaýymen ǵana salynady. Sondyqtan, «balama mektepte menim kelisimimsiz vakına salyp jibermeı me» dep qorqýdyń qajeti joq, – dedi shtab ókili.
Sondaı-aq, ol áleýmettik jelilerde «12 jasqa tolmaǵan balalar da vakınaııalanady» degen aqparat taraǵanyn, biraq, munyń shyndyqqa janaspaıtynyn da atap ótti.
