Arabtardyń jasandy jaýyny Jaıyqty qurtqaly tur

6131
Adyrna.kz Telegram

Jaıyq ózeniniń alańdatqan jaıy týraly QR Ekologııa, geologııa jáne tabıǵı resýrstar mınıstrligi jaýap qatty. "Tabıǵı apat" delingen. Alaıda zańger Saǵnadın Jumaǵazy Jaıyqtyń tartylýyna qatysty óz pikirimen bólisti, dep habarlaıdy "Adyrna" ulttyq portaly. 

QR Ekologııa, geologııa jáne tabıǵı resýrstar mınıstrligi habarlaǵandaı, sońǵy jyldary Jaıyq (Oral) ózeni sýynyń​ azaıýyna baılanysty onyń ekologııalyq jaǵdaıy erekshe alańdaýshylyq týdyryp otyr.​

Ótken ǵasyrdyń 70-jyldarynan bastap Jaıyq ózenindegi sý aǵynynyń kólemi birtindep azaıyp keledi. Munyń birneshe sebepteri bar.

Birinshiden, bul Jaıyq ózeniniń basseıninde az sýly kezeń ıkliniń bastalýyna baılanysty.​ Bul ózenderdegi sý deńgeıi tómendeýiniń jıileýi kezeńine,​ basseındegi aǵyndy retteýge, jerdi jyrtýǵa jáne ormandy kesýge baılanysty ózenniń gıdrografııalyq jelisiniń​ nasharlaýyna áser etetin klımattyq faktorlar.

Jaıyq ózeni basseınindegi sý​ jaǵdaıyn jaqsartý boıynsha​ sharalar qabyldaý úshin reseı tarapymen Jaıyq ózeniniń gıdrologııalyq rejımine birlesken zertteýler júrgizý týraly ýaǵdalastyqqa qol jetkizildi.​

Osy maqsatta 2020 jylǵy qazanda iri ózender basseınderinde (Jaıyq, Ertis jáne basqalary) zertteýler júrgizý boıynsha yntymaqtastyqty jandandyrýdyń Biryńǵaı jol kartasy jáne onyń tarmaqtarynyń oryndalý merzimderi men olardy uıymdastyrý nysandaryn naqtylaýmen is-sharalardy iske asyrýdyń jumys kestesi bekitildi.

Qazirgi ýaqytta qazaqstandyq jáne reseılik sarapshylar biryńǵaı Jol kartasyn júzege asyrýǵa kiristi,-delingen mınıstrliktiń resmı saıtynda.

Jaıylǵan Jaıyqtyń joıylyp bara jatqany dúıim jurtty alańdatyp otyr. Zańgerimizdiń pikiri boıynsha, ózgelerdiń jasandy is áreketteri bizge qatty zııanyn tıgizip jatyr.

"Bıyl arabtar óz elinde jasandy jaýyn týdyrǵany bárimizge málim. Tipti elderin topan sý basty emes pe?

Meniń oıymsha solardyń áreketteriniń saldarynan tabıǵı úılesimdilik buzyldy da, sońy tabıǵı apatqa ákelip soqty. Bul sózsiz. Al endi álemdik ekologtar osyǵan tosqaýyl qoıyp, arab ámirshiligine tipti sankııa jarııalaýy kerek dep oılaımyn,- dedi "Adyrna" tilshisine.

Sondaı-aq, zańger keleshekte baı memleketter qataryna munaıly elder emes, tabıǵı sulýlyqqa ıe, sýy,ózeni kóp elder kiredi dep topshalaıdy.

"Bizdiń aǵalarymyz óz qarabastaryn oılamaı, ata-babadan qalǵan mırasty qorǵashtaýǵa bel býýlary kerek. Meniń oıymsha keleshektegi baı memleket munaıy bar memleket emes, kerisinshe sýy kóp, ózeni men kóli kóp memleket eń myqty el bolady. Mysaly alaqandaı Islandııany ala salaıyqshy...",- dedi Saǵnadın Jumaǵazy.

"Adyrna" ulttyq portaly 

 

 

Pikirler