Memleket basshysy mindettegen tapsyrmalardyń oryndalýyn baqylaý maqsatynda Shymkent qalasynyń ákimi Murat Áıtenov Eńbekshi aýdanyna bardy. Aýdanda turǵyndardyń jaıly ómir súrýine jaǵdaı jasaý úshin júıeli jumystar atqarylyp keledi. Qala basshysy aýdandaǵy ınfraqurylym jumystarynyń barysymen tanysty.
Eńbekshi aýdanynyń ákimi Esilbek Dosbol aýdan aýmaǵyndaǵy 35 shaǵynaýdan men turǵyn alaptardyń halyq shoǵyrlanǵan negizgi bóligi aýyz sý, elektr jaryǵy, tabıǵı gaz, jol ınfraqurylymdarymen qamtylǵanyn málim etti. Onyń aıtýynsha, aýdan aýyz sýmen 94,4%-ǵa qamtylǵan bolsa, memlekettik elektr júıesimen qamtý kórsetkishi jyl qorytyndysymen 95,2%-ǵa, al tabıǵı gazben qamtý 86,4%-ǵa jetkiziledi eken. Aýdan turǵyndarynyń aýyz sý júıesimen qamtylmaǵan 5,6 paıyzy, ıaǵnı, 8 turǵyn alaptaǵy jańa qurylys ýchaskelerine sý júıesin júrgizý boıynsha jobalyq smetalyq qujat ázirlenýde. Jobalaýshy mekeme «Konstrýktor-80» JShS-i bolyp tabylady. Tıisti qujattar ázir bolǵanda atalǵan segiz eldi mekenge sý kirgizý úshin qarjy bólýge ótinim beriledi. Bul jumystar keler jyldyń enshisinde.2022-2023 jyldary Qarabastaý, Juldyz, Badam, Ońtústik-Jańaqurylys, Qaratóbe, Toǵys, Jylanbuzǵan, Aınatas-1 turǵyn alaptarynyń jańaqurylys bóligindegi turǵyndarǵa sapaly sý jetkiziledi dep josparlanýda.
