Shymkent qalasynyń ákimi Murat Áıtenov Memleket basshysynyń shetki aımaqtardy damytý týraly bergen tapsyrmasyn júzege asyrý maqsatynda shaǵynaýdandar men turǵyn alaptardyń ınfraqurylymmen qamtylý jaıyn pysyqtady.
Aýdannyń elektr júıesimen qamtylý jaǵdaıyn baıandaǵan Shymkent qalasynyń energetıka jáne ınfraqurylymdy damytý basqarmasynyń basshysy B.Bolatbekov aýdannyń memlekettik elektr júıesimen qamtý kórsetkishi 96,5 paıyzdy quraıtynyn jetkizdi. Qazirgi tańda Jalyn turǵyn alabynda, Juldyz jáne Qarabastaý turǵyn alabtarynyń jańaqurylysynda sapaly elektr jelisin tartý jumystary júrgizilip jatqanyn atap ótti.
Onyń aıtýynsha, 10 turǵyn alaptaǵy jekemenshik júıedegi 2,5%-dy jáne jańa qurylys ýchaskelerindegi qamtylmaǵan 1,0%-dy sapaly elektr qýatymen qamtý úshin qalalyq energetıka jáne ınfraqurylymdy damytý basqarmasynyń tapsyrysymen «Energoservıs ETL» JShS-men jobalyq smetalyq qujat ázirlenýde ekenin aıtty. Aǵymdaǵy jyl sońynda JSQ aıatalǵan soń, qurylys jumystaryna qarjy bólýge ótinim beriledi.
2022 jyly Qarabastaý, Qaratóbe, Aınatas, Toǵys, Juldyz, Badam-1/2, Turdyabad, Maıatas, Elaman turǵyn alabtarynyń elektr sapasy artady. Osylaısha aldaǵy jyldary Eńbekshi aýdanyndaǵy 47 myńnan astam turǵyn sapaly elektr qýatyna qol jetkizip, qamtylý kórsetkishi 100 paıyzǵa jetpek.
