Qazaqtyń ulttyq naqyshtaǵy kıimderine tek naýryz merekesi men saltanatty jıyndardyń emes, kúndelikti qoldanystaǵy kıimge aınalý kerek. QR Táýelsizdiginiń 30 jyldyǵyna oraı ótkizilgen «Úzdik pedagog-2021» baıqaýynyń qalalyq kezeńiniń jeńimpazy, Shymkenttegi Ábilhan Qasteev atyndaǵy óner jáne dızaın kolledjiniń arnaıy pánder muǵalimi Gaýhar Qoılanova osylaı deıdi.
On saýsaǵynan óner tamǵan sheber dızaıner men tiginshilerdi tárbıelep, qazaqtyń ulttyq oıý-órnegin jastardyń sanasyna sińirgen Gaýhar Jarasqyzy osy salada 20 jyldan beri eńbek etip keledi.
–Eń ádemi kıim – ulttyq kıim. Qazaqtyń ulttyq kıimi tek búrmeli uzyn kóılek pen qyzyldy-jasyldy qamzolmen shektelmeıdi. Baǵzy zamannyń kimderin zerttegende olardyń erekshe dızaıny men grafıkasy adamdy eriksiz tańdandyrady. Ózimniń eńbek jolymda kóne úlgilerdi qazirgi ýaqytqa ushtastyryp, zamanaýı úlgide qoldanysqa enýge arnap kelemin, - deıdi ustaz.
Qoılanovanyń shákirtteri talaı dodada top jaryp, bas báıgeni enshilegen. Shymkentte ótken «Jibek joly aıshyqtary» ulttyq kıim dızaınerleriniń baıqaýynda stýdentteri «Eń úzdik balalar men jasóspirimderdiń kıim úlgisi» nomınaııasynyń jeńimpazy atandy. Al 2017 jylǵy osy baıqaýda «Nıý folklor» atty kıim jıyntyǵymen qatysty.
Baǵyty aıqyn, shyǵarmashylyǵy shyńdalǵan G.Qoılanovanyń 2019 jyly «Kıim dızaıny» mamandyǵynda bilim alýshylar úshin «Materıalovedenıe v dızaıne odejdy» dep atalatyn avtorlyq oqý quraly jaryq kórdi. Bıyl «Balalar jeńil kóılegi negizinde modeldik erekshelikterdi túsirý» men «Balalar shalbarynyń negizgi syzbasyn qurý» jáne «Kostıým kompozıııasyndaǵy tús» taqyryby boıynsha ádistemelik usynystar, «Kostıým tarıhy» taqyrybynda lekııa jınaǵyn daıyndady.
Gaýhar Jarasqyzy shákirtterin kreatıvti shyǵarmashylyq jumystardy oryndaýmen qatar, qazirgi zaman talabyna saı grafıkalyq baǵdarlamalardy da tereń oqytyp, kásibı saýatyn tereńdete túsýde.
Bıylǵy oqý jyly ustaz úshin jeńisti jyl boldy. «Úzdik pedagog 2021» baıqaýynynń qalalyq kezeńiniń jeńimpazy atanyp, QR Bilim jáne Ǵylym mınıstri A.Aımaǵambetovtiń alǵys hatymen marapattaldy.
G.Qoılanova sekildi ustazdary bar Shymkentte talaı shákirt ulttyq kıimderdi qaıta jańǵyrtyp, trendke aınaldyrary sózsiz.
