Jahandy jaılaǵan pandemııa jumyr basty pendeni álekke salǵany anyq. Indet birden lap qoıǵanda keseldiń tuzaǵynan eshkimde qutyla almasyn bildi. Alǵashynda el medıınasy kórinbes jaýdy aýyzdyqtaýdyń amalyn tappaǵany ras. Keıinnen, aq halattylar tyǵyryqtan shyǵýdyń birqatar joldaryn qarastyrdy. El arasynda «tázdi tajal» dep atalǵan bul aýrýdan arylýdyń jalǵyz joly- ekpe. Alǵash bolyp, Resseılik «Spýtnık V» vakınasy qoldanysqa endi. Biri ekpeniń tıimdiligine sendi, endi biri onyń paıdasyna kóz jetkizbedik desti.
Respýblıka boıynsha qurylǵan «El úshin egilemin» azamattyq shtabynyń maqsaty pandemııamen kúres jolyndaǵy tıimdi shara dep tanylǵan vakınaııalaý jumysynyń qarqyn alýyna yqpal etý.
Indettiń ilmegine elim ilinbesin degen shtab ókilderi Almaty oblysyna taban tiredi. Maqsat bireý- aımaqtaǵy epıdahýaldy baǵamdaý, atqarylar ilkimdi isterdiń kóshin jolǵa qoıý.
«2021 jyldyń 3 tamyzda Qazaqstanda koronavırýs pandemııasymen kúres jónindegi «El úshin egilemin» táýelsiz belsendiler birlestigi-Azamattyq shtab quryldy. Azamattyq shtabtyń mindeti-COVID-19 vakınaııasy týraly obektıvti aqparattyń maksımaldy mólsherin usyný jáne azamattardy vakınaııaǵa kóndirý. Ekpege qarsy jalǵan aqparattyń taralýynyń aldyn alý. Biz tekserý úshin kelgen joqpyz. Tek elimizdiń pandemııany tezarada jeńýine qolqabys etýdi kózdep keldik»,-dedi sanıtarlyq-epıdemıologııalyq baqylaý komıtetiniń resmı ókili-QR Premer-Mınıstri orynbasarynyń baspasóz hatshysy Erjan Baıtanaev.
Oblys ortalyǵana kelgen shtab ókilderi eń áýeli, aımaqtaǵy kópsalaly aýrýhana dárigerlerimen kezdesti. Munda, aq halattylardyń pikirin tyńdap, pandemııamen kúrestegi aldyńǵy qatarly josparly isterdiń oryndalýymen tanysty.
Artynsha, «Sıtı plıýs» oıyn-saýyq ortalyǵyndaǵy jyljymaly egý pýnktine bas suqty. Shahardaǵy adam aıaǵy úzilmeıtin ortalyqtaǵy ekpe jumystarynyń júrý barysyn kózderimen kórdi.
Aıta keteıik, saýda orynyndaǵy egý pýnktine jumys kúnderi 50-60 adam kelse, demalysta 120-150 turǵyn ekpe alady. Mundaǵy dáriger, jyljymaly ekpe pýnktine kelýshi jurt «Sınofarm» vakınasyna suranystyń joǵary ekenin aıtady. Óıtkeni, atalǵan ekpe eki dozaǵa laıyqtalǵan.
Shtab belsendileri elimizde vakınaııa qarqynynyń tómendegenin atap ótti. Máselen, eger shilde aıynyń ortasynda táýligine 130 myńǵa deıin adam vakına alsa, qazir nebári 30 myń qazaqstandyq ımmýndalýda. Almaty oblysynda vakınaııa qarqyny jalpy respýblıkalyq ekpelerden birshama artta qalyp otyr. Sońǵy aıda oblysta birinshi komponentpen vakınaııalaý 6% - ǵa (64% - dan 70% - ǵa deıin) ósti, al jalpy respýblıkalyq kórsetkish 8,5% - ǵa artty jáne 79% jetti. Atalǵan kórsetkish boıynsha oblys barlyq óńirler arasynda 9-shy orynda.
Shtab ókilderi, oblystaǵy jetekshi aqparattyq alań «Jetisy Media-ǵa» kelip, baspasóz-máslıhatynda BAQ ókilderimen kezdesip, kókeı kesti saýaldarǵa jaýap berdi. Sondaı-aq, olar óńirimizdegi vakınaııa jumystaryna toqtalyp ótti.
Negizinen, jyl basynan Almaty oblysyna vakınanyń I-komponentinen 839685 dozasy, II-komponent 829815 dozasy kelip tústi. Búgingi kúnge deıin koronavırýs ınfekııasyna qarsy I komponentpen 772077 adam, II komponentpen 688291 turǵyn egildi.
Oblys boıynsha jospardan I ekpemen qamtylýy 64%. Oblystyq kórsetkishten tómen qamtyǵan aýdandar men qalalar: Talǵar (47%), Panfılov (53%), Qaratal (55%), Taldyqorǵan (57%), Uıǵyr (58%), Eńbekshiqazaq (61%), Eskeldi (63%). Esterińzge salamyz, josparǵa sáıkes óńirde 1,2 mln. azamat ekpe alýy tıis.
"Adyrna" ulttyq portaly
