Azamattyq 4 belsendi — Ashat Jeksebaev, Abaı Begimbetov, Qaırat Qylyshev, Noıan Rahymjanovtar 5 jylǵa bas bostandyǵynan aıyryldy. Olar endi jazasyn qaýipsizdigi ortasha mekemelerde óteıdi. Sondaı-aq jábirlenýshiler qoryna 20 AEK aıyppul salyndy, dep habarlaıdy «Adyrna» ulttyq portaly «Orda.kz-ke» silteme jasap.
Almaty qalasy Almaly aýdandyq №2 aýdandyq sotynyń sýdıasy Ernar Qasymbekov sot moıyndaǵan «ekstremıstik» «Kóshe partııasy» uıymynyń qyzmetine qatysqan 12 aıyptalýshynyń barlyǵyna aıyptaý úkimin shyǵardy.
— Dıana Baımaǵambetovanyń eki jylǵa bas bostandyǵy shekteledi jáne júz saǵattyq túzeý jumysyn atqarady. Al qalǵandary (Dámetken Aspandııarova, Baqdáýlet Álibekov, Gúlzıpa Jaýkerova, Nınagúl Jumanııazova, Ermek Qozıev, Marat Qurbanov, Darhan Ýálıev) bir jyl bas bostandyǵynan aırylyp, úsh jylǵa deıin qoǵamdyq qyzmette jumys isteýge tyıym salyndy. Bas bostandyǵynan shektelgender sondaı-aq 10 aılyq eseptik kórsetkish aıyppul salyndy, — dedi qorǵaýshy Janar Balǵabaeva.
Osylaısha sýdıa aıyptalýshylarǵa jaza taǵaıyndaý týraly prokýrordyń talaptaryn qanaǵattandyrdy.
Qorǵaýshynyń aıtýynsha, atalǵan azamattar úkimge apellıaııalyq tártipte shaǵymdanatyny sózsiz.
Esterińizge sala keteıik, belsendilerdiń soty 27 shildede bastalǵan. Olardyń barlyǵy qoǵamdyq-saıası máseleler boıynsha óz pikirin ashyq aıtqan, sonymen qatar mıtıngterge qatysqan.
«Adyrna» ulttyq portaly.
