Tekesý kanalynan ótetin kópir paıdalanýǵa berildi

1931
Adyrna.kz Telegram

Eńbekshi aýdanyndaǵy apatty dep tanylǵan «Tekesý» kanalynan ótetin kópir qaıta qurylyp, Táýelsizdiktiń 30 jyldyǵy qarsańynda paıdalanýǵa berildi. Qoldanystaǵy bul kópir 1993 jyldary salynǵan. Uzyndyǵy 10 metr, eni 6 metrdi quraıdy. Qaıta qurý jumystary demeýshi esebinen júrgizildi.

Eske salsaq, osy jyldyń shilde aıynda Eńbekshi aýdanynyń ákimi D.Esilbek Juldyz turǵyn alabynyń turǵyndarymen kezdesý barysynda «Tekesý» kanalynan ótetin kópirdiń apatty jaǵdaıda ekendigi aıtylyp, turǵyndar kópirdi qalpyna keltirip berýdi aıtqan bolatyn.
Turǵyndar kótergen máseleni sheshý maqsatynda aýdan ákimi qalalyq jolaýshylar kóligi jáne avtomobıl joldary basqarmasynyń basshysy E.Joldasovpen birge atalǵan kópirdiń jaǵdaıyn zerdelep, qaıta qurýǵa sheshim qabyldanǵan bolatyn. Qazirgi tańda «Tekesý» kanalynan ótetin apatty kópir qaıta qurylyp, turǵyndardyń ótinishi oryndalyp otyr.
Endigi kezekte Qarabastaý turǵyn alabyndaǵy kanal ústinen ótetin kópirdi qaıta qurý josparda bar. Aýdan ákimi turǵyndardyń ótinishi basty nazarda ekenin jáne barlyq jumystar halyqpen kelisilip atqarylatynyn aıtýda.

Pikirler