Qazaqtyń ıgi dástúri boıynsha Atyraý qalasyndaǵy Nazarbaev Zııatkerlik mektebinde saltanatty rásim shashýmen bastalyp, «Shell» munaı-gaz kompanııasy ornatqan kún stanııasynyń dıspleıinde alǵashqy sandar júgirdi.
Atyraý qalasyndaǵy NIS-te «Shell» munaı-gaz kompanııasy ornatqan kún stanııasy paıdalanýǵa berildi. Bul NIS pen Shell arasyndaǵy «Kún energııasy – mektepterge» birlesken jobasynyń tórtinshi fotoelektrlik júıesi.
2018 jyldyń mamyr aıynda Astana ekonomıkalyq forýmy sheńberinde Qazaqstan Respýblıkasynyń Energetıka mınıstrligi, Astana qalasynyń ákimdigi, «Nazarbaev Zııatkerlik mektepteri» derbes bilim berý uıymy jáne «Shell» kompanııasy arasynda Memorandýmǵa qol qoıyldy, onyń basty maqsaty «Kún energııasy – mektepterge» pılottyq jobasyn iske asyrý bolyp tabylady.
Jobanyń resmı túrde ashylýy 2018 jyly 1 jeltoqsanda NIS-tiń 10 jyldyǵyn toılaý aıasynda Elbasy – Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń qatysýymen ótti.
Qazirgi ýaqytta kún fotoelektr júıeleri Nur-Sultan, Aqtaý jáne Oral qalalarynyń Nazarbaev Zııatkerlik mektepterinde ornatylǵan. Sondaı-aq Túrkistan qalasyndaǵy jańa Zııatkerlik mektepte kún stanııasynyń qurylysy josparlanýda.
Atyraý qalasyndaǵy Nazarbaev Zııatkerlik mektebiniń aýmaǵynda kún panelderiniń qurylysy 2021 jyldyń mamyr aıynda bastaldy. Elektr stanııasynyń jalpy uzyndyǵy 73 metr bolsa, aldyńǵy bıiktigi 4 metrge jetedi. Kún batareıalarynyń tirekteri 13 blogqa bólingen, olardyń arasynda sporttyq is-sharalar kezinde kórermenderge yńǵaıly bolý úshin eki satyly trıbýnalar ornatylǵan. Kún júıesi mekteptiń jyldyq energııa shyǵynyn 30%-ǵa deıin qysqartýǵa múmkindik beredi.
«Kún energııasy – mektepterge» jobasy jasyl ekonomıkaǵa birtindep kóshýge jáne parnıktik gazdardy qysqartýǵa, jańartylatyn energııa kózderin damytýǵa baǵyttalǵan, sondaı-aq oqýshylardyń naqty ǵylymdardy (STEM) zertteýge qyzyǵýshylyǵyn arttyrý jáne olardyń ekologııalyq mádenıetin qalyptastyrýǵa úles qosady.
Kún stanııasyn Atyraý oblysy ákiminiń orynbasary Baqytgúl Hamenova, «Nazarbaev Zııatkerlik mektepteri» derbes bilim berý uıymynyń Basqarma Tóraıymy Kúlásh Shámshıdınova, Qazaqstandaǵy «Shell» konerniniń aǵa vıe-prezıdenti jáne tóraǵasy Herman Býrmeıster iske qosty.
– «Kún energııasy – mektepterge» – bul ekologııalyq jáne bilim berý jobasy, ol jasyl ekonomıkany keńeıtýge, jańartylatyn energııa kózderin engizýge, ekologııalyq mádenıetti qalyptastyrýǵa jáne STEM-bilim berýdi damytýǵa baǵyttalǵan. Jobany bıznestiń áleýmettik jaýapkershiligi, sondaı-aq energetıkalyq jáne bilim berý kompanııalarynyń tabysty yntymaqtastyǵynyń úlgisi dep ataýǵa bolady, - dedi «Nazarbaev Zııatkerlik mektepteri» derbes bilim berý uıymynyń Basqarma Tóraıymy Kúlásh Shámshıdınova.
Qazaqstandaǵy «Shell» konerniniń aǵa vıe-prezıdenti jáne tóraǵasy Herman Býrmeıster NIS-tiń joǵary synyp oqýshylarymen kezdesýi barysynda jańartylatyn energııa kózderi men kún stanııalaryn engizýdegi basymdyqtar talqylandy. Oqýshylardy bedeldi energetıkalyq konernniń kásibı ǵana emes, ómirlik tarıhy da qyzyqtyrdy. Balalar nano jáne bıotehnologııa salasyndaǵy ǵylymı jetistikteri men jańa ónertabystaryn tanystyrdy, ásirese ekologııalyq baǵyttaǵy plastmassa jáne ósimdik qaldyqtaryn qaıta óńdeý jobalaryn usyndy.
Qazaqstandaǵy «Shell» konerniniń aǵa vıe-prezıdenti jáne tóraǵasy German Býrmeıster óz sózinde:
– Shırek ǵasyrdan astam ýaqyt boıy «Shell» Qazaqstandaǵy energetıkalyq jobalarǵa ınvestıııa salyp keledi. Qazirgi kezde biz balamaly energııa kózderin paıdalaný jónindegi jobalardy iske asyrý arqyly Qazaqstannyń «jasyl ekonomıkaǵa» kóshýine járdemdesý úshin kúsh-jigerimizdi salyp jatyrmyz. Sondaı-aq bul joba jańartylatyn energııa kózderi salasyndaǵy qazaqstandyq kompanııalardyń múmkindikterin jaqsarta otyryp, otandyq shaǵyn jáne orta bıznestiń áleýetin arttyrady.
Herman Býrmeısterdiń bastamasymen fýtboldan joldastyq match bastaldy, al alǵashqy kórermender kún panelderiniń astyndaǵy jańa trıbýnada jankúıer boldy.
"Adyrna" ulttyq portaly
