Aýǵanstan astanasy Kabýl qalasyndaǵy Idgah meshitiniń aldynda joıqyn jarylys boldy. Bul týraly Agence France-Presse basylymy jazdy.
«Talıban» ókili Zabıýlla Mýdjahıd oqıǵanyń bolǵanyn resmı túrde moıyndady. Jarylys saldarynan birneshe adam qaza taýyp, ondaǵan adam jaraqat alǵan. Kabul Newstyń habarlaýy boıynsha meshit aldynda jarylys bolǵan sátte meshit ishinde Mýdjahıdtiń anasymen qoshtasý rásimi ótip jatqan. Jarylystan keıin meshit mańynda tálibter men DAISh sodyrlary arasynda atys bastalǵan. Atys saldarynan qansha adam zardap shekkeni jaıly naqty aqparat joq.
Bir kún buryn DAISh sodyrlary Jalalabad qalasynyń ákimshiligi mańynda jarylys jasap, arty atysqa ulasqan edi. DAISh tálibterdi qarsylas sanap, olarǵa qasıetti soǵys jarııalaǵan bolatyn.
"Adyrna" ulttyq portaly
