AidData amerıkandyq zertteý zerthanasynyń 2000 jyldan 2017 jylǵa deıingi sheteldegi jobalardy qarjylandyrý jónindegi QHR baǵdarlamasy týraly esebinde Aspan ımperııasynyń iri qaryz alýshylary týraly aqparat paıda boldy dep habarlaıdy "Adyrna" ulttyq portaly "orda.kz-ke" silteme jasap.
Baıandama avtorlary «Bir beldeý — bir jol» bastamasyna erekshe nazar aýdarǵan. Osy bastamasy aıasynda Qytaı sheteldik jobalarǵa nesıe berýdi edáýir ulǵaıtqan.
AidData málimeti boıynsha, Reseı boryshkerler tiziminde birinshi oryndy ıelendi - $ 125 mlrd. Qaryzdardy negizinen memlekettik munaı-gaz kompanııalary naryq jaǵdaıyna baılanysty sharttarmen jáne bolashaqta munaı men gazdy jetkizý negizinde alǵan. Odan keıin Venesýela (85,5 mıllıard dollar), Angola (40,66 mıllıard dollar), Brazılııa men Qazaqstan (árqaısysy 39 mıllıard dollar).
Esepte nesıeler jasyryn nesıeler dep atalady, óıtkeni olardyń kópshiligin halyqaralyq reıtıng agenttikteri eskermeıdi. AidData basshysy Bred Parks atap ótkendeı, «bul úkimetterdiń ózderi Qytaıǵa qansha qaryz ekenin bilmeıdi».
Bul rette álemniń damýshy 40 eliniń Qytaıǵa qaryzy bar, olar qazirdiń ózinde jalpy ishki ónimniń 10%-ynan asyp jyǵylady.
Esepten osy ýaqyt ishinde elderdiń Qytaı aldyndaǵy «jasyryn» qaryzdarynyń jalpy mólsheri 385 mıllıard dollarǵa jetkeni aıtylǵan.
Al Ulttyq banktiń resmı málimeti boıynsha, 2021 jyldyń 1 qańtarynda Qazaqstannyń memlekettik sektorynyń jalpy qaryzy 35,6 mlrd dollardy quraǵan.
Elderge qaryzdyń úlesi boıynsha Ulybrıtanııaǵa 19 mıllıard dollar jáne halyqaralyq uıymdarǵa 8,5 mıllıard dollar qurap otyr. Memlekettik sektordyń Qytaı aldyndaǵy mindettemeleri - 4,9 mıllıard dollarǵa, Reseıge - 973 mıllıonnan astam dollarǵa, Japonııaǵa - 554 mıllıon dollarǵa jetti.
"Adyrna" ulttyq portaly
