Qulaqqaptyń paıda bolý tarıhy

4154
Adyrna.kz Telegram

Búginde ómirimizdi qulaqqapsyz elestetý qıyn. Qorshaǵan ortadan alystatyp, óz álemine enýge múmkindik beretin bul quraldy bárimiz paıdalanamyz. Al siz onyń shyǵý tarıhyn bilesiz be?

XIX ǵasyr – qulaqqap tarıhynyń bastaýy

Qulaqqaptyń paıda bolýy akýstıkalyq terbelisterdi shyǵaratyn alǵashqy qurylǵynyń jaryqqa shyǵýymen tyǵyz baılanysty. XIX ǵasyrdyń sońynda telefon stanııalary jumysyn bastady. Bul jerlerde qyzmet atqaratyn operatorlar birneshe saǵat boıy salmaǵy úsh kılogramǵa jetetin dybys taratqysh pen qabyldaǵyshty ustap turýǵa májbúr edi. Tyǵyryqtan shyǵý maqsatynda kompanııa kómekshisi Bella Ezra Djıllılend telefon garnıtýrasynyń prototıpine aınalǵan arnaıy bekitkishti oılap tabady.

Natanıel Boldýın qulaqqaptyń atasy

Qurylǵynyń tarıhy erte kezden bastalǵanymen, onyń atasy amerıkalyq  Natanıel Boldýın. Iýta shtatynyń týmasy 1910 jyly as úıinde qulaqqaptyń jetildirilgen modelin jasap shyǵarady. Onyń ónertabysy jappaı tutynýshynyń quralyna aınalmaı turyp, áskerı salada synaqtan ótken. Júrgizilgen zertteý jumystary tehnıkanyń basqa analogtardan eki ese sezimtal ekenin anyqtady. Birneshe jyldan keıin Boldýın usynǵan model barlyq áskerı-teńiz operatorynyń negizgi baılanys quralyna aınaldy.

Radıo jáne qulaqqap

Qulaqaptar 1920 jyly radıo qabyldaǵyshtardy tyńdaý úshin qoldanyla bastady. Dál osy ýaqytta ol erekshe suranysqa ıe bolǵan edi. Amerıka úkimeti «Ár úıge radıo» baǵdarlamasyn júrgizip, quraldyń tanylýyna septigin tıgizdi.

Mýzykalyq qulaqqaptar

HH ǵasyrdyń birinshi jartysynda qulaqqappen mýzyka tyńdaý múmkin emes edi. Jas shved ónertapqyshy Oıgen Baıer jaǵdaıdy ózgertýge tyrysyp, qulaqqap pen mıkrofon shyǵaratyn fırmany qurdy. Ol 1937 jyly qurylǵynyń dybys sapasyn jaqsartyp, ánniń tek ishki arna boıynsha oınaýyna qol jetkizdi. Alaıda ónim tek 50-shi jyldardyń ortasynda tanymal bola bastady. Mýzyka áýesqoılary stereo nusqasy paıda bolǵan kezde ǵana qurylǵyǵa mán berip, nazar aýdardy.

Sennheiser jáne alǵashqy ashyq qulaqqaptar

1968 jylǵa deıin qoldanysta jabyq qulaqqaptar ǵana bolǵan edi. Ashyq qulaqqaptardy jasaýdaǵy alǵashqy tájirıbe osy tehnologııany patenttegen Sennheiser kompanııasyna úlken paıda ákeldi. Qurylǵy mýzyka tyńdaý kezinde aınalada ne bolyp jatqanyn baqylaýǵa múmkindik berdi. Keıinnen Sennheiser brendi osy salada birneshe ret ınnovaııalyq sheshim usyndy. Atap aıtsaq, 1977 jyly kompanııa álemdegi alǵashqy Unipolar 2000 elektrlik qulaqqaptaryn shyǵardy. Olar jaýap berý jyldamdyǵymen jáne dybystyń  naqtylyǵymen erekshelendi. 1998 jyly paıdalanýshylar stetoskop túrinde jasalǵan RS 2400 qulaqqaptarynyń artyqshylyqtaryn erekshe baǵalady.

Symsyz qurylǵylar dáýiriniń bastalýy

90-jyldardyń basynda qulaqqaptardyń symsyz modelderi paıda boldy. Koss usynǵan qurylǵy dybys kózine nemese kúsheıtkishke ınfraqyzyl sáýleni paıdalanyp, jınaqtalǵan prefıks arqyly jumys istedi. Oınatqyshqa qosylý úshin symdardy qajet etpeıtin ónimniń nusqasyn Recoton usyndy. Bul qurylǵy 900 MG jıilikte 45 m radıýsta qyzmet etti.  Ýaqyt óte kele Ulybrıtanııa úkimeti ónimdi óndirýge ruqsat berýden bas tartty. Sol sebepti 1998 jyly Bluetooth tehnologııasy ómirge keldi. Al 2004 jyly Bluetake I-Phono bt420ex qulaqqaptary naryqqa óz taratqyshymen shyǵaryldy. Taǵy bir jyldan keıin Wi-Fi tehnologııasy negizinde jumys isteıtin modelder qoldanysqa endi. Qýaty 5 saǵatqa jetetin AirPods symsyz qulaqqaptaryn Apple korporaııasy usyndy. Ol 2016 jyldyń 7 qyrkúıeginde iPhone 7 jáne Apple Watch Series 2-men birge tanystyryldy. Telefonǵa Bluetooth arqyly qosylady. Bul qurylǵy qazirgi tańda erekshe suranysqa ıe.

Tarıh munymen aıaqtalǵan joq. Jyl saıyn jańa modelder jasalyp, eskileri jetildirilý ústinde. Aldaǵy ýaqytta ónertapqyshtardyń bizdi áli talaı tańǵaldyrary sózsiz.

«Adyrna» ulttyq portaly

Pikirler