Reseı tergeý komıteti oppozııoner Alekseı Navalnyı men onyń jaqtastarynyń ústinen "ekstremıstik qaýymdastyq qurdy jáne onyń jumysyna aralasty" dep is qozǵady. Bul týraly komıtettiń resmı saıty habarlady, dep jazady "Adyrna" ulttyq portaly Azattyq radıosyna silteme jasap.
Navalnyı, Leonıd Volkov jáne Ivan Jdanov "ektremıstik qaýymdastyq quryp, ony basqardy" degen kúdikke ilinse, Lıýbov Sobol, Vıacheslav Gımadı, Rýslan Shaveddınov jáne birneshe adam "qaýymdastyq jumysyna aralasty" dep aıyptalǵan. Bul aıyp boıynsha eń úlken jaza – 10 jylǵa bas bostandyǵynan aıyrý.
Tergeý komıteti 2014 jyly Navalnyı "ekstremıstik qaýymdastyq qurdy", al Volkov pen Jdanov kóp uzamaı "qaýymdastyqqa qosyldy" dep sanaıdy.
Komıtet Navalnyıdyń "Jemqorlyqpen kúres qoryn" "ekstremıstik qaýymdastyq" dep sanaıdy. Reseı bıligi Navalnyıdyń bul qoryn elde "ekstremıstik" dep tanyp, qyzmetine tyıym salǵan.
Vedomstvo Navalnyı qurǵan qor "memlekettik organdardyń abyroıyna nuqsan keltirip, eldegi turaqtylyqqa qaýip tóndirdi; el arasynda narazy kóńil kúı qalyptastyrdy" dep sanaıdy. Komıtettiń málimdemesinde tyıym salynǵan aqparatty taratý joly retinde Navalnyıdyń Youtube kanaly kórsetilgen.
Navalnyı buǵan deıin Youtube arnasynda Reseı bıligindegi jemqorlyq shemalaryn ashatyn birneshe úlken zertteýlerin jarııalaǵan. Onyń vıdeolaryn mıllıondaǵan adam kórip, Reseı qoǵamynda rezonans týǵyzǵan.
Tergeý komıteti aıyptaǵandardyń kóbi qazir shetelde júr. Al Navalnyı Reseıde túrmede otyr. Ol "alaıaqtyq" aıyby boıynsha túrme jazasyn ótep jatyr. Navalnyıdyń túrme jazasy 2023 jyldyń kúzinde aıaqtalýy kerek.
Aıta keteıik, Reseıde Navalnyı men onyń jaqtastarynyń ústinen taǵy birneshe qylmystyq is qozǵalǵan. Oppozııonerdiń jaqtastary bul isterdiń barlyǵynyń saıası astary bar dep sanaıdy. Halyqaralyq uıymdardyń birazy Navalnyıdy "saıası tutqyn" dep tanyǵan.
"Adyrna" ulttyq portaly
