Qazaqstan Kabýlden 35 qandasty alyp shyqty. Qyrkúıektiń basynda elge kelgen qandastar osy ýaqytqa deıin karantınde otyrǵan olatyn. Memleket qandastarǵa turatyn orynmen qamtamasyz etti. Aldaǵy ýaqytta olarǵa jumys pen bir mezettik járdemaqy berý máselesi de qarastyrylýda. Qandastar Aýǵanstanda qandaı qıyndyqtar kórgenin KTK telearnasyna bergen suhbatta aıtqan.
Faızýlla Ahmadıdiń otbasy qazirgi tańda Býrabaı aýdanyndaǵy úsh bólmeli úıde turyp jatyr. Qazaqstanǵa ol áıeli men qaryndasyn jáne bes balasyn ákelgen. Olar sońǵy tórt jylda Qazaqstanǵa kóshýge talpynǵan, alaıda qujattarymen qıyndyqtar bolypty.
Faızýlla Ahmadı Aýǵanstandaǵy qazaqtar jaıly bylaı deıdi: "Biz Orta júzdiń Qońyrat rýynanbyz. Biz Pákistanda, Iranda jumys istegen edik, alaıda keıin ol jaqta qıyndyqtar paıda boldy. Aýǵanstanǵa kelgenimizge kóp bolmady. Keıin ony tálibter basyp aldy. Bizge elshilik qyzmetkerleri shyǵyp, Almatyǵa ushyp ketý múmkindigi týyndaǵanyn aıtty. Ol jaqta myńǵa jýyq qazaq qaldy, olar da Qazaqstanǵa kelgisi keledi. Olar ol jaqta turýǵa qorqady, jumys tabý da óte qıyn. Olarǵa "Óz otandaryńa ketińder" deıdi.
Qazir Aýǵanstannan kelgen qazaqtar úshin basty másele jumys tabý bolyp otyr. Memleket ol jaǵynan kómektesýge daıyn.
"Adyrna" ulttyq portaly
