Elordada Akademııalyq adaldyq lıgasynyń Jalpy jınalysy ótti. Qaýymdastyqtyń quramyna elimizdiń 11 joǵary oqý orny kiredi.
Jıyn barysynda M.S. Nárikbaev atyndaǵy KAZGIýÝ Ýnıversıteti Basqarma tóraǵasynyń orynbasary Erbolat Muhamedjan biraýyzdan Akademııalyq adaldyq lıgasy Keńesiniń tóraǵasy bolyp saılandy.
Kezdesýde jańa basshy Lıganyń damýyna qatysty kózqarasyn bildirdi: «Meniń oıymsha, Akademııalyq adaldyq lıgasy tek akademııalyq sapasy joǵary jáne kez kelgen akademııalyq ádiletsizdikke jol bermeıtin ýnıversıtettermen ǵana baılanysty bolýy kerek. Lıga QR Bilim jáne ǵylym mınıstrliginiń sapasyz joǵary oqý oryndaryn jabý men suranysqa ıe emes mamandyqtardyń lıenzııasyn qaıtarý boıynsha qazirgi saıasatyn qoldaıdy».
Keńes tóraǵasy joǵary bilim salasyndaǵy máselelerge qoǵamnyń nazaryn aýdarý úshin bar kúshin salyp, medıa salasyndaǵy kásibı tájirıbesin barynsha paıdalanatynyn aıtty. Sondaı-aq Akademııalyq adaldyq lıgasyn joǵary bilim salasyndaǵy kez kelgen ózgeriske daıyn brend retinde qalyptastyratynyn málimdedi.
Osy ýaqytqa deıin Erbolat Muhamedjan «Atameken TV» arnasy bas prodıýseriniń orynbasary, QR Bilim jáne ǵylym mınıstriniń keńesshisi jáne QR BǴM «Aqparattyq-taldaý ortalyǵy» AQ-nyń basqarýshy dırektory qyzmetterin atqarǵan.
Anyqtama. Akademııalyq adaldyq lıgasy – Qazaqstan Respýblıkasy joǵary oqý oryndarynyń qaýymdastyǵy. Lıganyń basty maqsaty – akademııalyq adaldyq qaǵıdattaryn alǵa qoıý arqyly joǵary jáne joǵary oqý ornynan keıingi bilim sapasyn arttyrý. Qaýymdastyq 2018 jyly AQSh-tyń jekemenshik ýnıversıtetteri múshelik etetin tanymal «Lıga Plıýa - The Ivy League» úlgisi boıynsha qurylǵan bolatyn.
Akademııalyq adaldyq lıgasynyń baspasóz qyzmeti
