Shymkentte halyq sany qarqyndy ósip keledi. Mıllıonan astam turǵyny bar qalanyń mektepterine bıyl 233 myńnan astam oqýshy bardy. Onyń ishinde 25 myń bala mektep tabaldyryǵyn alǵash márte attady.
Halyq sanynyń ósýi jańa mektepter ashý máselesin ózektendirdi. Mektepter jetispeýshiligi máselesin sheshýde memlekettik-jekemenshik áriptestik oń nátıjesin kórsetip keledi. Qalanyń iskerlik ortasy bilim salasyn jetildirýge úles qosýda. Qazir Shymkent bilim salasyna ınvestıııa tartý boıynsha respýblıkada kóshbasshy qala sanatynda.
Táýelsizdiktiń 30 jyldyǵyna oraı memlekettik-jekemenshik áriptestik sheńberinde tabysty júzege asqan jobalardyń biri - «TM and ART educational school» mektebi. Qonaev dańǵyly boıyndaǵy buryńǵy saýda ortalyǵy bastaýysh mektep retinde qaıta qurylymdaýdan ótkizilip, bıylǵy oqý jylynda alǵashqy oqýshylaryn qabyldady. Qazir mektepke 202 bala qabyldanyp, elimizde qabyldanǵan jalpy bilim berý standarttaryna saı qazaq jáne orys tilindegi oqý synyptary ashylǵan.
Jekemenshik bilim berý nysanynda modıfıkaııalanǵan pán kabınetteri jasaqtalǵan, oqý synyptary ınteraktıvti taqtalar jáne paneldermen jabdyqtalǵan. Balalar qaýipsizdigin saqtaýda beınebaqylaý júıeleri ornatylyp, ata-analar óz perzentteriniń bilim berý uıymyndaǵy is-qımylyn smartfon arqyly onlaın-rejımde baqylaı alady. Mektepte sportzal, kitaphana, ashana, gımnastıkalyq zal qarastyrylyp, robototehnıka pán kabınetteri jasaqtalǵan.
Mektepte ata-analardyń qalaýy boıynsha aqyly túrde túrli shyǵarmashylyq toptar men úıirmeler jumys isteıdi. Dızaın, taekvando, dzıýdo, horeografııa, kórkem gımnastıka, etıka, sýret salý, breık-dans jáne aǵylshyn tili úıirmeleriniń jetekshiligine kásibı mamandar, onyń ishinde joǵary bilikti sheteldik ustazdar tartylǵan. Bilim berý uıymynda logoped maman da qarastyrylyp, til kemistigi bar balalardy durys sóıleı bilýge daǵdalandyrady.
Jekemenshik bilim berý uıymdaryna bıýdjettik mektepterge qoıylatyn talaptar qoldanylady. Ustazdardyń biliktiligi men balalardyń bilim deńgeıi salalyq memlekettik qurylymdar tarapynan turaqty baqylaýda bolady.
Mektep meken jaıy: Qonaev dańǵyly 118
Shymkent qalasy ákimdiginiń baspasóz qyzmeti
