Almaty oblysynyŋ Türgen auylynda jasöspırımder otyrǧan kölık 12 jastaǧy balany qaǧyp ketken, dep habarlaidy "Adyrna" ūlttyq portaly.
Oqiǧadan keiın joǧary synyp oquşylary zardap şekken balany jol apaty bolǧan jerden alyp ketıp, eşkımge aitpauyn talap etken degen aqparat tarady.
Aldyn ala mälımet boiynşa, kölık ışınde 11-synyptyŋ bes oquşysy bolǧan. Äleumettık jelıde jariialanǧan videoda jasöspırımderdıŋ balany mektep jaǧyna alyp bara jatqan sätı körınedı. Sondai-aq oqiǧaǧa qatysy bar oquşylardyŋ bırı kölıktı jasyru üşın oqiǧa ornynan ketıp qalǧany aityldy.
Jäbırlenuşı taraptyŋ sözınşe, balany şamamen 30-40 minut boiy ūstap tūrǧan. Keiın oquşylar zardap şekken balamen bırge mektepke baryp, mūǧalımge ony moped qaǧyp ketkenın aitqan. Almaty oblystyq polisiia departamentı kämeletke tolmaǧan jürgızuşınıŋ anyqtalyp, jauapkerşılıkke tartylǧanyn habarlady. Sonymen qatar onyŋ ata-anasyna qatysty ekı äkımşılık bap boiynşa şara qoldanylǧan.
Polisiia ökılderınıŋ mälımetınşe, oqiǧaǧa qatysy bar özge tūlǧalardyŋ äreketıne de qūqyqtyq baǧa berıledı. Qorytyndy prosessualdyq şeşım medisinalyq saraptama nätijesı men zardap şekken balanyŋ auruhanadan şyqqannan keiın qabyldanady.
Būdan aldyn 13 jastaǧy jasöspırım äkesınıŋ rūqsatynsyz kölık aidap, apatqa tüsıp qaza tapqan.
