Ótken jyly qamaýǵa alynǵan túrkistandyq kásipker Halı Sarmanovtyń týystary QR Prezıdenti Q.Toqaevtan arasha surap, beıneúndeý joldady dep habarlaıdy «Adyrna» ulttyq portaly.
— Qurmetti Qasym-Jomart Kemeluly, sizge úndeý joldaýǵa májbúrmiz. Sebebi meniń qarııa, densaýlyǵynda syrqaty bar, úsh ret ınsýlt alǵan ákem Halı Sarmanovty Túrkistan oblysynyń polıııasy jáne prokýratýrasy zańsyz qylmystyq qýdalaýda. Ákem bas bostandyǵynan aırylyp, zardap shegýde. Sizdi bizdiń máselemizge qulaq asýyńyzdy bir jyl boıy ótinip kelemiz. Kóptegen hattar, birneshe ret 500-den asa qol qoıǵan petıııa joldanǵan bolatyn. 200-deı yzalanǵan Halı Sarmanovtyń janashyrlary Túrkistan oblystyq sotyna jáne prokýratýra ǵımaratyna kelip, zańsyzdyqtardy, qýdalaýdy toqtatýdy talap etti. Alaıda qysym artyp, zańsyzdyqtar jalǵasyn tabýda. Ákemdi bas bostandyǵynan aıyrýdan basqa reıderlik tárkileý áreketteri kúsheıýde. Estıtin memleket qaǵıdasy týraly aıtylyp keledi, biraq júz myńdaǵan adam zańsyzdyqqa jelide kýá bolýda. Sizge ótinip, jalynýǵa májbúrmiz.
Qurmetti Qasym-Jomart Kemeluly, sizdi Joǵary Sotqa jáne Bas prokýratýraǵa Túrkistan oblysyndaǵy zańsyzdyqtarǵa arnaıy tekserý júrgizýdi talap etýińizdi suraımyz, — dedi kásipkerdiń uly.
Aıta ketý kerek, túrkistandyq kásipker Halı Sarmanov bir jyldan beri qamaýda otyr. Ol 2020 jyldyń 2 qazanynda Túrkistan oblystyq tergeý sýdıasynyń sankııasymen qamaýǵa alynǵan. Senip tapsyrylǵan basqa tulǵanyń múlkin ıelendi degen kúdikke ilingen kásipkerdi tergeýshi men sýdıa sot isin júrgizýge kedergi keltiredi nemese tergeýden, sottan jasyrynady dep kúdiktenip, kepil túrindegi bultartpaý sharasynyń ornyna qamaýǵa alǵan.
Halı Sarmanov qazir 69 jasta. Kásipker «Qaınar Astyq» óndiristik kooperatıviniń basshysy bolǵan.
Buǵan deıin Túrkistandaǵy kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl jónindegi keńeste kásipker kezinde aýyl aqsaqaldarynyń ótinishimen kooperatıvke jerlerdi kirgizip, aýyldyń ál-aýqatyn kóterýge kúsh salǵanyn, sol óndiristik ujymǵa qatysy joq azamattar birneshe jyl boıy birikken sharýashylyqtyń jyljymaıtyn múlkin ıelendi dep ózine jala japqanyn aıtqan bolatyn.
"Adyrna" ulttyq portaly.
