Bos jumys oryndary jármeńkesinde 1000-ǵa jýyq adam jumysqa joldama aldy

2794
Adyrna.kz Telegram

Shymkent qalasy «Arbat» alańynda jastarǵa arnalǵan bos jumys oryndary jármeńkesi ótti. Atalǵan jármeńkede 50-den asa jumys berýshi kásiporyndary men mekemeler qatysyp, 9000 myńǵa jýyq bos jumys oryndaryn usyndy. Nátıjesin kórsetken jármeńkede turaqty jumysqa 790 azamat, al «Jastar praktıkasy» baǵdarlamasymen 121 jas joldama aldy.

Turaqty jumysqa joldama alǵan qala jastarynyń biri - Aısulý Qorabaeva. Ol bıylǵy jyly Á.Qýatbekov atyndaǵy Halyqtar dostyǵy ýnıversıtetinde «Bastaýysh bilim berý muǵalimi» mamandyǵy boıynsha bilim alǵan. Jumys izdep júrgen qala turǵyny dál osy jármeńkede mamandyǵy boıynsha jumys tapty.

- Búgingi jármeńke jaıynda aqparatty áleýmettik jeli paraqshasynda kórip, qýana keldim. Jármeńkege kelgen soń bos jumys oryndary tizimin tolyq qarap, óz mamandyǵym boıynsha laıyq keletinderine jekeleı bardym. Osylaısha, bastaýysh páni muǵalimi bolyp qaladaǵy №120 mektepke joldama aldym. Sonymen qatar, jumyspen qamtý ortalyǵynyń mamandary túıindemeni durys jazý joldaryn túsindirdi-deıdi 26 jastaǵy jas maman.

Sonymen qatar, jármeńkede Soltústik óńirine qonys aýdarý boıynsha aqparattyq-túsindirme jumystary uıymdastyrylyp, nátıjesinde elimizdiń Soltústik óńirlerine qonys aýdarýǵa 100-den asa shymkenttikter qyzyǵýshylyq tanytyp, nıet bildirdi.

Aıta ketsek, jyl basynan beri «Eńbek» memlekettik baǵdarlamasy sheńberinde 18 myńnan astam shymkenttikter jumyspen qamtý sharalaryna qatysty. Onyń ishinde jumyspen qamtylǵan jastardyń qatarynda 2384-i jastar praktıkasymen, al 102-i alǵashqy jumys orny jobasymen jumysqa joldandy.

Shymkent qalasy ákimdiginiń baspasóz qyzmeti

Pikirler