Jantúrshigerlik jol apaty: Mańǵystaý oblysynda 5 adam qaza tapty

1967
Adyrna.kz Telegram

Mańǵystaý oblysyndaǵy tas jolda jantúrshigerlik jol apaty boldy. Apat saldarynan bes adam qaza tapty, onyń ishinde júkti áıel de bar , - dep habarlaıdy "Adyrna" ulttyq portaly"  oblystyq densaýlyq saqtaý basqarmasynyń baspasóz qyzmetine silteme jasap.

- Bıylǵy jyldyń 16 qyrkúıeginde saǵat 01.48-de Lexus LX 470 avtokóligi aýdaryldy. Kólik tizginindegi 27 jastaǵy qyz, oqıǵa ornynda qaza boldy. Qaza bolǵandardyń ekinshisi 1966 jyly týǵan áıel, úshinshisi Jańaózen qalasynyń 31 jastaǵy turǵyny, áıel júktiliktiń 27-shi aptasynda bolǵan. Qalǵandary 1964 jáne 1967 jyldary týǵan eki er adam. Jol-kólik oqıǵasy saldarynan barlyǵy toǵyz adam zardap shekti. Bes eresek oqıǵa ornynda qaza boldy. Qalǵan tórt bala túrli jaraqattar alǵan, - delingen habarlamada.

Málimet boıynsha, 2011, 2012 jáne 2019 jyldary týylǵan úsh bala jedel járdem kútpesten Jetibaı aýdandyq aýrýhanasyna jetkizildi.

- 2013 jyly týylǵan balany túnde jedel járdem kútpeı mashınamen Mańǵystaý oblystyq kópbeıindi balalar aýrýhanasyna jatqyzdy. Qazirgi ýaqytta bala jansaqtaý bóliminde jatyr. Onyń jaǵdaıy óte aýyr. Mıdyń gemorragııalyq kontýzııasyn, II dárejeli mı komasyn, II dárejeli travmatıkalyq shok aldy. ÓJJ apparatyna qosylǵan,-dep tolyqtyrdy baspasóz qyzmeti.

Zardap shekkenderge mıdyń jabyq jaraqaty, mıdyń kontýzııasy, mańdaı men shyntaq býynynyń jaraqattanýy, radıýstyń jabyq synýy, travmatıkalyq shok dıagnozy qoıyldy. Dárigerler eki balanyń jaǵdaıyn turaqty aýyr, úshinshisi ortasha aýyr ekenin aıtty. Densaýlyq saqtaý basqarmasynyń habarlaýynsha, búgin sanıtarlyq kóliktiń kómegimen úsh balany oblystyq balalar aýrýhanasyna aýystyrady.

"Adyrna" ulttyq portaly

Pikirler