Aýǵanstandy tutas jaýlap alǵan "Talıban" qozǵalysynyń arasynda ózara qyrqys bastaldy. Birneshe lańkestik toptyń basyn quraǵan koalıııa kúshteri bılikke talasyp jatyr. Olar Kabýl, Qandaǵar jáne Mazarı-Sharıfti baqylaý jáne salyq pen kedennen túsetin paıdany ıemdený úshin kúresýde. Tipti Talıbannyń beldi múshesi Baradar ózara qyrqysta qaza tapty degen de aqparattar bar.
Bul aqparat áleýmettik jelilerde Baradar Katar Syrtqy ister mınıstrimen kezdesýge kelmegen soń paıda bolǵan. Molda óziniń jaqtastary men ekstremıstik "Hakkanı jelisiniń" arasyndaǵy qaqtyǵysta óltirilgeni habarlandy. Toptyń saıası bıýrosynyń ókili Mohammad Naım bul qaýesettiń shyndyqqa janaspaıtynyn jáne Baradardyń tiri ekenin aıtty. "Talıban" molda óziniń ólimi týraly habardy joqqa shyǵaratyn aýdıojazbany jarııalady. Alaıda aýǵandyqtar úkimetke senbeıdi jáne dálel retinde vıdeony talap etýde.
Sondaı-aq sodyrlardyń ókili Enamýlla Samanganı radıkaldy qozǵalystyń bólinýi týraly qaýesetti joqqa shyǵardy. "Talıbandar birtutas, al basshylyq din men elge qyzmet etý úshin kúresýde, bizde qarjy men baılyqqa ashkózdik joq", - dep qorytyndylady ol.
7 qyrkúıekte "Talıban" Aýǵanstannyń jańa úkimetiniń quramyn jarııalady. Muhammed Hasan Ahýnd premer -mınıstrdiń mindetin atqarýshy boldy. "Talıban" saıası keńsesiniń basshysy Abdýl-Ǵanı Baradar onyń birinshi orynbasary, Abdýl-Salam Hanafı ekinshi orynbasary bolyp taǵaıyndaldy.
"Talıban" basshylyǵynyń ókili Amır Han Mottakı Aýǵanstan Syrtqy ister mınıstrliginiń basshysy boldy. "Talıban" basshysynyń orynbasary Muhammed Iakýb qorǵanys mınıstri boldy. Ishki ister mınıstri bolyp ekstremıstik "Hakkanı jelisiniń" jetekshisi Sarajýddın Hakkanı taǵaıyndaldy.
"Adyrna" ulttyq portaly
