Qorqyt ata atyndaǧy Qyzylorda universitetınıŋ käsıpkerlık ortalyǧy Startup Joly inkubasiialyq baǧdarlamasynyŋ qorytyndy şarasyn ötkızdı.
«QazInnovations» innovasiialardy damytu jönındegı ūlttyq agenttıgınıŋ» qoldauymen tamyz aiynda bastalǧan inkubasiialyq baǧdarlamanyŋ ekınşı mausymyna qatysuǧa 127 ötınım tüsken, al baǧdarlamaǧa 57 joba qabyldandy.
Startup Joly − innovasiialyq startaptar men käsıpkerlık bastamalardy qajettı resurstarmen qamtamasyz etuge, käsıpkerlıktıŋ ärtürlı aspektılerı, sonyŋ ışınde ideia, marketing, satu jäne qūqyqtyq mäseleler boiynşa daǧdylardy arttyruǧa baǧyttalǧan baǧdarlama. Baǧdarlama aiasynda qatysuşylarǧa tegın 16 seminar, mentorlyq sabaqtarmen bırge jobalardy ideia satysynan prototip deŋgeiıne deiın damytu maqsatynda är taqyrypqa säikes bılıktı mamandar şeberlık sabaqtaryn öttı.
İnnovasiialyq jobalar baiqauynyŋ maqsaty − öŋırdegı üzdık innovatorlardy anyqtau, olardyŋ jobalaryn qoldau jäne damuyna kömektesu. İnkubasiialyq kezeŋnıŋ qorytyndy Demo Day şarasynda qazylar alqasyna 22 joba tanystyryldy. Ūsynylǧan jobalardyŋ qatarynda sifrly VR közıldırık, Ecotrade, Syr-Lax, Janarym AI tärızdı jobalar bar.
Baiqauda Zamanbek Jaqsylyqov «BumpIt» jobasy boiynşa 500 myŋ teŋge ielendı. Al, Arsen Saǧidullaevqa 300 myŋ teŋge tabystaldy. Aitolqyn Aqynbaeva «Orda Studio» jobasymen 200 myŋ teŋge jüldenı qanjyǧasyna bailady. Sonymen qatar, qarjylai syilyqtan bölek sertifikat tabystaldy. Sertifikat arqyly «QazInnovations» innovasiialardy damytu jönındegı ūlttyq agenttıgı» jäne Astana Hub halyqaralyq tehnoparkınıŋ granttyq baǧdarlamalaryna qatysa alady.
«Staryp Joly baǧdarlamasy aiasynda jobany damytu, ıske asyru boiynşa köptegen seminarǧa qatystym. İnkubasiialyq kezeŋde Demo Day innovasiialyq jobalar baiqauyna «BumpIt» jobasyn ūsyndym. BumpIt − kölık komponentterın arzan jäne zauyttyq sapada öndıruge baǧyttalǧan joba. Qazaqstanda kölık joldarynyŋ sapasyzdyǧynan avtokölık komponentterı, bamperlerı özgerıske ūşyraidy nemese jaramsyz bolady. Osy oraida kölık komponentterıne qajettı bölşekterdı arzan jäne sapaly türde jasaudy jön kördım», - dedı Zamanbek Jaqsylyqov.
Bas serıktester: QR sifrlyq damu, innovasiialar men aeroǧaryş önerkäsıbı ministrlıgı, «QazInnovations» innovasiialardy damytu jönındegı ūlttyq agenttıgı, Astana Hub halyqaralyq tehnoparkı, Qorqyt ata atyndaǧy Qyzylorda universitetı. Serıktester: Qyzylorda oblysynyŋ «Atameken» Ūlttyq käsıpkerler palatasy, Qyzylorda oblysy äkımı apparatynyŋ «Aqparattyq tehnologiialar ortalyǧy».
Aita keteiık, Startup Jolu inkubasiialyq baǧdarlamasynyŋ ötken mausymyna qatysuǧa 135 ötınım tüstı. Alǧaşqy Demo Day-de 8 adamnan qūrylǧan qazylar alqasynyŋ baǧalauy boiynşa Educopter, Dmenu, ecoDabyl jobalary jeŋımpaz atandy.
