Biyl küz ailarynda 12-18 jas aralyǧyndaǧy balalarǧa «Pfizer» vaksinasy salynuy mümkın dep habarlaidy "Adyrna" ūlttyq portaly "Euraziia" arnasyna sılteme jasap.
Būl turaly mälımdeme jasaǧan Sanitarlyq-epidemiologiialyq baqylau komitetınıŋ töraǧasy Aijan Esmaǧambetova Densaulyq saqtau ministrlıgı osy preparatty elge jetkızu üşın qazır kelıssözder jürgızıp jatqanyn aitty.
Qazaqstandyqtar üşın būl preparat qazan aiynda qoljetımdı boluy tiıs. Qazır elde delta ştamynyŋ örşuıne bailanysty dert balalar arasynda dendep jatqanyn aityp, därıgerler dabyl qaǧuda. Sol üşın ata-anasynyŋ rūqsatymen, ekpe 12 jastan asqan jetkınşekterge salynuy mümkın."Būl älem täjıribede bar" degen vedomstvo ökılınıŋ sözınşe, bügınde deiın älem elderınde «Pfizer» vaksinasyn qabyldaǧan balalarda eşqandai janama äser baiqalmapty. Odan bölek, bas qalada ötken brifingte jaŋadan şyqqan taǧy bır vaksina jaiy qozǧaldy. Künı keşe Reseide resmi tırkeuden ötken bır komponenttı «Sputnik lait» ekpesın de jaqyn uaqytta el aumaǧyna jetkızu mäselesı qarastyrylyp jatyr eken. «Būl vaksinanyŋ tiımdılıgı 80 paiyzdy qūraidy. Eŋ bastysy, bır dozaly. Kei azamattar ekı dozasyn salǧysy kelmese, osy "Sputnik laitty" salǧyzsa bolady. Elge äkelu mäselesıne baianysty qazır kelıssözder jürgızılıp jatyr», — deidı Sanitarlyq-epidemiologiialyq baqylau komitetınıŋ resi ökılı Erjan Baitanaev.
"Sputnik lait" ekpesın öndırgen ǧalymdardyŋ deregınşe, būl vaksinanyŋ aitarlyqtai kerı äserı joq. Tek ekpe salynǧan orynnyŋ auyrsynuy baiqalyp, sirek jaǧdaida dene qyzuy köterıluı mümkın.Aita ketu kerek, bügınge deiın elımızde ekpenıŋ qos komponentın 2 mln 700 myŋ qazaqstandyq qabyldaǧan. 11 myŋ otandasymyz medisinalyq qarsy körsetılımıne säikes, vaksina saldyrudan bosatylǧan. Taǧy bır jait, ministrlık ökılderınıŋ aituynşa, biylǧy jyldyŋ 10 tamyzyna deiın ekpenıŋ bır komponentın alyp ülgermegen qyzmetkerlerdı jūmys beruşı qyzmetınen şettetuge qūqyly.
"Adyrna" ūlttyq portaly.
Ūqsas jaŋalyqtar
