Jasy 100-ge taıaǵan jambyldyq ájeı vakınanyń ekinshi dozasyn qabyldady

3381
Adyrna.kz Telegram
foto ashyq aqparat kózinen alyndy
foto ashyq aqparat kózinen alyndy

Jambyldyq 96 jastaǵy ájeı Ifrat Halıapova koronavırýsqa qarsy vakınanyń ekinshi dozasyn qabyldady, dep "Adyrna" ulttyq portaly QazAqparatqa silteme jasaı otyryp  habarlaıdy.

Jambyl oblysynyń Shý aýdanyna qarasty Jańa jol aýylynyń 96 jastaǵy turǵyny Ifrat Halıapova koronavırýsqa qarsy vakınanyń ekinshi dozasyn qabyldady. Jasy júzge taıap qalǵan keıýana aǵymdaǵy jyldyń 12 mamyry kúni «Spýtnık-V» vakınasynyń alǵashqy dozasyn saldyrypty.

Jańa jol aýylyndaǵy dárigerlik ambýlatorııanyń ýchaskelik medbıkesi Gúlmıra Alıeva Ifrat Halıapovanyń jaǵdaıynyń birqalypty ekenin aıtty.

Ifrat Halıapova buǵan deıin densaýlyǵyna baılanysty shaǵymdanǵan emes. Ekpe saldyrmas buryn ájeıdiń densaýlyǵynyń durystyǵyna ábden kóz jetkizip, qajetti sharalardyń barlyǵyn jasadyq. Kúndelikti jaǵdaıyn bilip turamyz -, deıdi medbıke.

Ifrat Halıapova Uly Otan soǵysy kezinde de tylda eńbek etken qaısar jan. Sondaı-aq kezinde qant qyzylshasyn egýmen aty shyqqan Shý aýdanyndaǵy bedeldi qyzylshashylardyń biri bolǵan. Búgingi tańda 6 balasynan órbigen 13 nemere-shóbereleriniń ortasynda shattyqqa toly kún keship otyrǵan qart ana aýrýdan aıyǵýdyń jalǵyz joly – ekpe saldyrý ekenin aıtady.

Men ekpeni ózim úshin saldyrǵan joqpyn. Artymnan ergen ul-qyzdarym men nemere-shóberelerimniń densaýlyǵyna alańdadym. Bul indetten japa shekkenderdi kózimizben kórdik. Jaqynyńnan aıyrylýdyń qanshalyqty aýyr ekenin jaqsy bilemin. Sondyqtan da kesh bolmaı turǵanda vakına saldyrý kerek -, deıdi Ifrat Halıapova.

Jalpy, Jańa jol aýylynda 2910 adam turatyn bolsa, onyń 1341turǵyny vakına saldyr. Búgingi tańda 572 turǵyn erikti túrde ekpe saldyrypty.

Avtory: Saıa Sembaı

Aqparat Inform.kz saıtynan alyndy

Pikirler