Jańa ekologııa, geologııa jáne tabıǵı resýrstar mınıstri Serikqalı Brekeshev úkimet otyrysynda ant berdi, - dep habarlaıdy “Adyrna” ulttyq portaly.
"Ózderińiz biletindeı, úkimet quramynda kadrlyq ózgerister boldy. Ótken aptada Memleket basshysynyń jarlyǵy boıynsha Myrzaǵalıev Maǵzum Maratuly energetıka mınıstri, Serikqalı Amanǵalıuly Brekeshev ekologııa, geologııa jáne tabıǵı resýrstar mınıstri bolyp taǵaıyndaldy. Sizdi qyzmetke taǵaıyndalýyńyzben quttyqtaımyn, jumysyńyzǵa sáttilik tileımiz. Serikqalı Amanǵalıuly, ant berýińizdi suraımyn", - dedi premer-mınıstr Asqar Mamın úkimet otyrysynda.
"Qazaqstan Respýblıkasynyń halqy men Prezıdentiniń aldynda ózimniń Otanym - Qazaqstan Respýblıkasynyń ekonomıkalyq jáne rýhanı damý isine barlyq kúsh-jigerim men bilimimdi arnaýǵa, memlekettiń Konstıtýııasy men zańdaryn qatań saqtaýǵa, ózimniń barlyq is-áreketimde zańdylyq pen ádilettilik, azamattyq jáne ultaralyq kelisim qaǵıdattaryn ustanýǵa, Qazaqstan halqyna adal qyzmet etýge, elimniń memlekettiligi men álemdik qoǵamdastyqtaǵy bedelin nyǵaıtýǵa saltanatty túrde ant beremin. Ant beremin", - dedi ekologııa, geologııa jáne tabıǵı resýrstar mınıstri Serikqalı Brekeshev.
