Mamin öŋırlerde karantindı saqtaudy tapsyrdy, dep habarlaidy “Adyrna” ūlttyq portaly.
Sputnik.kz mälımdemesı boiynşa, Mamin respublikada epidemiologiialyq jaǧdai jaqsaryp keletının atap öttı. Barlyq öŋırde virus jūqtyru deŋgeiı, auyr jaǧdaidaǧy nauqastar, stasionarda jäne ambulatoriiada em alyp jürgen pasientter sany azaiǧan.
"Degenmen körşı elderdegı jaǧdaidy da eskeru kerek. Barlyq öŋırde şekteu şaralaryn saqtauyn qamtamasyz etu qajet. Monitoringtık toptar küşeitılgen rejimde jūmys ısteuge tiıs", - dep mälımdedı premer-ministr ükımet otyrysynda.Sondai-aq ol vaksinalau qarqyny aitarlyqtai jaqsarmaǧanyn atap öttı. Qazırgı uaqytta 8,3 millionnan astam adam bırınşı komponent, al 7,5 million adam ekınşı komponent alǧan. Ükımet basşysy Nūr-Sūltan qalasy, Soltüstık Qazaqstan, Maŋǧystau, Qostanai, Aqmola, Batys Qazaqstan oblystaryna vaksinalau qarqynyn küşeitudı tapsyrdy. Būǧan qosa, äkımdıkter men densaulyq saqtau ministrlıgıne emdeu mekemelerınıŋ qoimasyndaǧy därı-därmek pen medisinalyq būiymdarǧa tekserıs jürgızıp, olardyŋ qajettı kölemın qamtamasyz etudı tapsyrdy.
“Adyrna” ūlttyq portaly
Ūqsas jaŋalyqtar
