Tanymal arheolog Andreı Astafev osydan 200 jyldan astam ýaqyt buryn Kaspıı teńizinde júrgen kemeniń bekitkish burandalary men shegelerin taýyp aldy. Bul týraly Mańǵystaý oblysy ákiminiń baspasóz qyzmeti málimdedi dep habarlaıdy "Adyrna" ulttyq portaly.
Tarıhı jádiger Túpqaraǵan aýdanyna qarasty «Túlkili saı» jerindegi teńiz jaǵalaýynda kómilip jatqan.
Arheologtyń zerdeleýinshe, keme HVIII ǵasyrdyń aıaǵynda Kaspıı teńizinde júzip júrgen jerinen apatqa ushyraǵan. Sý quralynyń aǵash shantaǵyn sý shaıyp ketkenimen, temir buıymdar teńiz túbinde shógip qala bergen. Jyldar óte, teńiz deńgeıiniń ózgerýimen qurlyqqa shyǵyp, arheolog qazyp alǵansha boı kórsetpegen.
Andreı Astafev bul oljasyn Ábish Kekilbaıuly atyndaǵy Mańǵystaý oblystyq tarıhı-ólketaný mýzeıiniń qoryna ótkizdi.
Arheologtyń mýzeıte tabystaǵan syılyǵy bul ǵana emes. Qaraqabaq qalashyǵyna arheologııalyq qazba jumystaryn júrgizý kezinde úńgirge tap bolyp, onyń ishinen kendir arqan men arqanǵa baılanǵan ilmekter tapqan.
Kemege qatysty zattar ekeni kórinip tur. Kemi bir ǵasyr buryn ázirlense de, qurǵaq jerde jatqandyqtan, jaqsy saqtalǵan.
"Adyrna" ulttyq portaly.
