M.Áýezov atyndaǵy dramteatr dırektory Erlan Bilál 1 250 000 teńge kepilmen bosatyldy

2425
Adyrna.kz Telegram

Muhtar Áýezov atyndaǵy Qazaq memlekettik akademııalyq drama teatr dırektory Erlan Bilál 1 250 000 teńge kepilmen bosatyldy, - dep habarlaıdy Tengrinews.kz tilshisi.

"2018 jyldyń 9 qańtarynda Almaty qalasynyń Medeý aýdandyq №2 sotynyń tergeý sýdıasy Muhtar Áýezov atyndaǵy Qazaq memlekettik akademııalyq drama teatr dırektoryna qatysty bultartpaý sharasy retinde kepilge alý týraly sheshim shyǵardy. 1 mıllıon 250 myń teńge kóleminde kepil tólendi", - dep habarlady Almaty qalalyq sotyndaǵylar.

"Sotqa deıingi tergeý organdarynyń málimetinshe, Erlan Bilál "Sezam" qoǵam qaıyrymdylyq-shyǵarmashylyq qorynyń jetekshisinen 2017 jyldyń 23 jeltoqsanynan 2018 jyldyń 7 qańtary aralyǵynda birlesken teatr qoıylymdary jaıly qujatqa qol qoıdyrý úshin 900 myń teńge kóleminde para aldy degen kúdikke ilindi", - dep habarlady Almaty qalalyq sotynyń baspasóz qyzmetindegiler.

Eske sala keteıik, 5 qańtarda QR eńbek sińirgen qaıratkeri Erlan Bilál 1,5 mıllıon teńge paramen ustalǵan bolatyn. "Muhtar Áýezov atyndaǵy Qazaq memlekettik akademııalyq drama teatrynyń dırektory Almatyda Jańa jyl kezinde balalarǵa qoıylym qoıý maqsatynda teatrdan oryn berý úshin zańdy tulǵadan 1,5 mıllıon teńge para aldy degen kúdikke ilindi. Kinásin tolyq moıyndaýyna baılanysty ol qamaýǵa alynǵan joq. Sotqa deıingi tergeý sharalary júrip jatyr", - dep habarlaǵan edi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın.

Al 9 qańtarda Áýezov teatry dırektory mindetin atqarýshy taǵaıyndalǵan bolatyn.

"Qazaqstan Respýblıkasy Mádenıet jáne sport mınıstrliginiń "Muhtar Áýezov atyndaǵy Qazaq memlekettik akademııalyq drama teatry" Respýblıkalyq memlekettik qazynalyq kásipornynyń dırektory Bilálov Erlan Ábdildauly 2018 jyldyń 4 qańtarynda istiń mán-jaıy anyqtalǵansha qyzmetinen shettetildi. Shettetilgen ýaqytta mindetti dırektordyń shyǵarmashylyq is boıynsha orynbasary Jandarbek Alaıdaruly atqarady", - delingen edi mınıstrlik habarlamasynda.

Tolyǵyraq: https://kaz.tengrinews.kz/crime/auezov-atyindagyi-dramteatr-direktoryi-erlan-blal-1-250-000-286363/

 

Pikirler