Altyn adam tabylǵan Esik qalasynyń mańaıynda arheologtar áli de zertteý júrgizýde. Esik memlekettik tarıhı-mádenı qoryq mýzeıiniń ǵylymı qyzmetkerleri qazba jumystary barysynda qola dáýiriniń eki qabatty obasyn tapty, dep habarlaıdy «Adyrna» tilshisi «Qazaqstan» ulttyq arnasyna silteme jasap.
Aǵa ǵylymı qyzmetker Hamıt Amantaıuly eki qabatty molany Órikti aýylynyń mańyndaǵy úlken qorymnan taýpty. Shamamen qola dáýirine jatqyzyp otyr. Eki aıaǵyn búgip jatqan bir adamnyń qańqasynyń aıaǵynyń tómengi jaǵynan tastan qalanǵan sheńberge kezikken. Ony qazǵanda ishinde jatqan taǵy bir adam súıegine tap bolǵan. Jerleý rásimin qola dáýiriniń mádenıetine jatqyzyp otyr.
Hamıt Amantaıuly, Esik memlekettik tarıhı-mádenı qoryq mýzeıiniń aǵa ǵylymı qyzmetkeri:
Qola dáýirine de ózine tán qysh ydystarynyń fragmentteri, sondaı-aq tastan jasalǵan pyshaq bar. Onyń bir sheti synǵan. Ol kezdegi nanym-senim boıynsha jalpy synǵan nársi, syndy degen nárse óldi degenmen birdeı bolyp, ólgen adammen birge qoıylatyn atrıbýt esebinde paıdalanǵan.
Mýzeı zertteýshileri osy mańaıda neolıt, temir dáýirlerinde de adamdar ómir súrgen deıdi. Tabylǵan artefaktiler zerthanada dáleldense 40-45 myń jyldyq qonystardyń kýási bolatynyn aıtady. Al qoryq-mýzeıdiń ózinde de jańalyq joq emes. Jylqynyń qazaq dalasynda qolǵa úıretilgenin alǵa tartyp, Eńbekshiqazaq aýdany mańynan jylqy malyna qatysy bar dúnıelerdi jurt nazaryna usynyp otyr.
Dosym Zikirııa, Esik memlekettik tarıhı-mádenı qoryq mýzeıi dırektorynyń orynbasary:
Olar buıymdardyń kóbi erte temir dáýirinen orta ǵasyrǵa deıin keledi. Mysaly kelýshilerge erte temir dáýirindegi aýyzdyqtardyń qandaı bolǵanyn, shyńǵalarymyzdyń, úzeńgilerdiń qandaı bolǵanyn osy kórme arqyly tamashaı alady.
Qazir mundaǵy ǵalymdar Mádenıet jáne sport mınıstrliginiń «Ǵylymı qoldanbaly zertteý» bıýdjettik baǵdarlamasynyń eki jobasyn qolǵa alǵan. Órikti shatqalynda zertteý jumystary áli de jalǵasýda.
«Adyrna» ulttyq portaly
