Shymkenttiń 4 aýdanynda jastar ortalyǵy ashyldy

2360
Adyrna.kz Telegram

Búgin QR Táýelsizdiginiń 30 jyldyǵyna oraı qala ákimi Murat Áıtenovtiń bastamasymen Shymkent qalasynyń tórt aýdanynda «Jastar resýrstyq ortalyǵynyń» bólimsheleri ashyldy. 

Qarataý aýdanyndaǵy bólimsheniń ashylýyna Shymkent qalasynyń ákimi Murat Áıtenov, qalalyq máslıhat hatshysy B.Narymbetov, Qarataý aýdanynyń ákimi A.Áliqulov, sonymen birge «Qazaqstan jastar kongresi» zańdy tulǵalar birlestiginiń atqarýshy dırektory Toqtar Bolysov qatysty.

Qalalyq Jastar resýrstyq ortalyǵynyń basshysy Erlan Aıtbaev aýdandyq bólimsheniń jumys barysymen tanystyrdy. Jastardyń ıgiligi úshin paıdalanýǵa berilgen ortalyq 2 qabattan turady jáne bir mezette 50-100 jasqa qyzmet kórsete alady.

Ortalyq negizgi 5 baǵyt boıynsha jumys jasaıdy: jastarǵa qyzmet kórsetý, talantty jastardy qoldaý, kovorkıng ortalyǵy, shaǵyn kitaphana, psıhologııalyq keńes berý. Árbir baǵyt boıynsha jastar shyǵarmashylyq bastamalaryn qoldaýǵa, jas kásipkerlerdi qoldaý jáne nesıelendirý joldary, jumyspen qamtý, turǵyn úıge qol jetkizý, jumys ornyn tabý sekildi múmkindikterge ıe bolmaq.
Ǵımarattyń ornalasý jerine de asa mán berilgen, janynda 2 mektep, 4 oqý ortalyǵy, saıabaq, alleıa, teatr, mádenıet úıi, kitaphana, aýla klýby, 50 shaqty kópqabatty úı bar. Munyń ózi jastarmen jumys júrgizýge, olardyń bos ýaqytyn tıimdi ótkizýge qolaıly bolyp otyr.

Ortalyqtyń jumysymen tanysyp, jastarmen suqbattasqan shahar basshysy aralaý sońynda «Qazaqstan jastar kongresi» zańdy tulǵalar birlestiginiń atqarýshy dırektory Toqtar Bolysovpen yntymaqtastyq týraly memorandýmǵa qol qoıdy.

 

Pikirler