Shymkent qalasynyń ákimi Murat Áıtenovtiń tóraǵalyǵymen «Turan» shaǵynaýdanyn damytý boıynsha jıyn ótti. Jıynda shaǵynaýdandaǵy kópqabatty turǵyn úılerdiń qurylys barysy, abattandyrý, ınfraqurylym tartý máseleleri talqylandy.
Qalada 2021 jyly «Nurly jer» memlekettik baǵdarlamasy aıasynda 79 kópqabatty turǵyn úıdiń qurylysyn júrgizý josparlanǵan. Onyń ishinde: arendalyq – 18 úı , kredıttik 61 úı qarastyrylǵan. Turan shaǵynaýdanynda 2021 jyly 61 turǵyn úıdiń qurylysyn júrgizý josparlanǵan. Qazirgi tańda 57 úıdiń qurylysy atqarylýda. Shaǵynaýdanda bıyl 29 kredıttik turǵyn úı paıdalanýǵa beriledi. Atap aıtqanda shilde aıynda 9 qabatty 3 turǵyn úıdiń qurylysy aıaqtalsa, 1 tamyzda 12 qabatty 2 turǵyn úı paıdalanýǵa tapsyrylǵan.
Shaǵynaýdanda 12 qabatty 10 úıdiń qurylys jumystaryna jaýapty merdiger mekemeler – «Otaý-Stroı» JShS men «ART-qurylys» JShS. Búgingi tańda turǵyn úılerdiń monolıt qabyrǵalary 100 %, gazoblok qalaý 100 %, ishki árleý jumystary 90%, ınjenerlik júıeler 90 % jumystary oryndaldy. №5,7 úıler 30 shilde kúni paıdalanýǵa tapsyryldy. № 9 úı 30 tamyzda, al qalǵan úılerdi 30 qyrkúıekte paıdalanýǵa tapsyrý josparlanǵan.
Sondaı-aq, 12 qabatty 5 úıdiń qurylys jumystaryn «Avtoremstroı LTD» JShS, 12 qabatty 2 úıdiń qurylys jumystaryn «SK Real-Stroı» JShS, 9 qabatty 3 úıdiń qurylys jumystaryn «Sheber bıýldıng» JShS júrgizýde.
12 arendalyq turǵyn úıdiń qurylysyn «Korporaııa Sıtı-Stroı» JShS men «Otaý-Stroı» JShS júzege asyrýda.
Perızat Ortaı
