Búgin «Otandastar qory» KEAQ uıymdastyrýymen Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýy talqylandy.
Jıynǵa Qoǵam basshylyǵy, qoǵam belsendileri, sarapshylar, jýrnalıster men stýdent jastar qatysty.
Is-shara aıasynda qatysýshylar Memleket basshysynyń Aýǵanstandaǵy ahýalǵa baılanysty aıtqandaryn qoldaıtynyn jetkizdi.
«Qazirgi kezde Aýǵanstandaǵy jaǵdaı bárimizdi alańdatyp otyr. Bul, ásirese, sol jaqtaǵy qandastarymyzdyń hal-ahýalyna baılanysty. Bul óte kúrdeli jáne jan-jaqty qaraýdy talap etetin mańyzdy másele. Osy oraıda «Otandastar qory» elimizdiń Syrtqy ister mınıstrligimen birlesip, qoldan keletin tıisti jumysty bastap ta ketti», - dedi «Otandastar qory» KEAQ vıe-prezıdenti Maǵaýııa Sarbasov.
Sondaı-aq ol áleýmettik jelide taraıtyn ártúrli jalǵan aqparatqa senip qalmaýǵa shaqyrdy.
«Sońǵy kezde Aýǵanstannan myńdaǵan bosqyn keledi, ol jaqta myńdaǵan qazaq turady degen aqparat áleýmettik jeli men messendjerlerde tarap jatady. Bul shyndyqqa janaspaıtynan atap ótkim keledi. Sondyqtan da azamattardy tek resmı aqparatqa, Syrtqy ister mınıstrliginiń málimetterine súıenýge shaqyramyn. Sebebi sarapshylardyń aıtýynsha, ózin qazaqpyz dep tanystyratyn adamdardyń kóbi qazaq bolmaı shyǵady. Tipti ol jaqta aýǵan memlekettik mekeme ókilderine para berip, ultyń rastaıtyn qujatty qoldan istep alýǵa bolady degen de málimet bar. Bizdiń elshiliktegi qyzmetkerler ár jaǵdaıdy jeke ári muqııat qarap, elimizge kómekke zári ár qanadasymyz aman-esen oralatynyna senimdimin», - dedi «Otandastar qory» KEAQ vıe-prezıdenti.
