Qazaqstandyq kompozıtor, djazmen Iakov Han dúnıeden ótti. Qaıǵyly habardy Aqparat jáne qoǵamdyq damý mınıstri Aıda Balaeva jetkizdi.
«Ókinishke qaraı, COVID adamdardyń ómirin áli de jalmaýda. Búgin taǵy bir keremet adam ómirden ozdy. Iakov Hannyń týystary men jaqyndaryna qaıǵyryp kóńil aıtamyn. Tanymal mýzykant, kompozıtor, djazmen ózinen keıin baı shyǵarmashylyq mura, túrli janrdaǵy týyndylardy qaldyrdy. Uzaq jyldar boıy "Sazgen sazy" folklorlyq-etnografııalyq ansamblimen birigip, kóptegen tamasha shyǵarmalar jazdy. Osyndaı talantty adamnyń shyǵarmashylyq joly kenetten jáne qaıǵyly túrde aıaqtalǵany óte ókinishti»,– dedi Balaeva.
Iakov Han "Araı" ujymymen óner kórsetip, elimizdegi djaz baǵynyń damýyna ólsheýsiz úles qosty.
«Adyrna» ulttyq portaly
