Aqtaýda mektep oqýshylaryn toq soqqan

4852
Adyrna.kz Telegram

Aqtaýdaǵy orta mektepterdiń birinde baspaldaqtan túsip kele jatqan oqýshylardy toq soqqan dep habarlaıdy "Adyrna" ulttyq portaly  "InAktau.kz" portalyna silteme jasap. 

Oqys oqıǵa 4 qyrkúıekte bolǵan. Eki 5-synyptyń oqýshylary qol ustasyp, baspaldaqtan túsip kele jatqan. Balalardyń biri baspaldaqtyń tutqasynan ustaǵan sátte olardy toq soqqan. Mektep dırektorynyń aıtýynsha, toq qýaty qatty bolmaǵan.

"Ústine sıntetıkalyq kıim kıgende nemese kóliktiń esiktiń ustaǵan kezde toq soǵady ǵoı, mine, sondaı jaǵdaı oryn alǵan. Balalar qorqyp ketip, kezekshi muǵalimge aıtqan. Biz dereý oqıǵa bolǵan jerge bardyq", – deıdi mektep dırektory Zareta Fatalıeva.

Onyń sózinshe, baspaldaqtaǵy toq qýatyn tekserý úshin arnaıy maman da shaqyrtylǵan. Qazirgi tańda balalardyń bul baspaldaq ótkelimen júrýi shektelipti.

Zardap shekken balalardy aýrýhanaǵa alyp barǵan. Bir saǵat dáriger baqylaýynan keıin olar úılerinen qaıtarylypty. Aq halattylar oqýshylardyń densaýlyǵyna zııan kelmegenin jetkizipti.

Al elektrık mamandardyń sózinshe, toq jaryq shamdarynan soǵýy múmkin. Aldaǵy ýaqytta uqsas jaǵdaı qaıtalanbas úshin baspaldaqtaǵy jaryq shamdary alynypty.

"Adyrna" ulttyq portaly.

Pikirler