Kabýlda bir top áıel Aýǵanstanda bılikti tolyq basyp alǵan «Talıban» radıkaldy tobynyń ókilderi áıelderdiń quqyqtary men bostandyqtaryn qurmetteýdi talap etetin narazylyq akııasyn ótkizýge tyrysty. Bul týraly Tolo News telearnasy habarlaıdy.
Derekkózdiń aıtýynsha, narazy áıelder teńdikti, sondaı-aq bolashaq Aýǵanstan úkimetinde ókildik etý múmkindigin talap etken. Olar sonymen qatar áıelderdiń bilim alý men barlyq salada jumys isteý quqyǵyn qorǵaǵysy kelgen. Akııa kezinde áıelder prezıdent saraıyna barmaq bolǵan, biraq tálibter olarǵa qarsy kóz jasaýratatyn gaz qoldanyp, birneshe áıeldi uryp jibergen.
2-qyrkúıekte Kabýl men Aýǵanstannyń Gerat qalasynda dál osyndaı mıtıngter ótip, onda belsendiler áıelderdiń Aýǵanstan úkimetine kirýine ruqsat berýdi talap etken bolatyn.
BUU quqyq qorǵaýshylarynyń aıtýynsha, qazirgi ýaqytta aýǵan áıelderiniń quqyqtary boıynsha jaǵdaı óte qıyn. Olardy kóshede urady, mektepke barýǵa tyıym salady jáne urlap ketedi. 25 tamyzdan bastap tálipter áıelderge úılerinen shyǵýǵa tyıym saldy.
"Adyrna" ulttyq portaly
