Búgin mańǵystaýlyqtar Memleket basshysynyń Joldaýyn iske asyrý baǵyttaryn belgiledi. Oblys ákimi Serikbaı Trumov óńirde atqarylatyn mindetterdi naqtylap, olardy jergilikti deńgeıde iske asyrý úshin jaýapty tulǵalarǵa tıisti tapsyrmalar júktedi dep habarlaıdy "Adyrna" ulttyq portaly.
Memleket basshysy belgilegen birinshi mindet – pandemııadan keıingi el ekonomıkasyn damytý. Bul baǵytta óńir ekonomıkasyn ártaraptandyrý boıynsha júıeli jumys jasalýda. Negizinen óńdeý ónerkásibi, týrızm, qurylys, aýyl sharýashylyǵy men kólik jáne logıstıka salalaryn damytýǵa basymdyq berilýde.
— Biz 2025 jylǵa qaraı oblystaǵy óńdeý ónerkásibiniń kólemin 254,3 mlrd teńgege deıin arttyrýdy josparlap otyrmyz, — degen oblys ákimi kózdelgen mejege qol jetkizý úshin óńir ekonomıkasyna tikeleı ınvestıııa tartý, óńdeý ónerkásibin damytý boıynsha jumystardy jalǵastyrýdy tapsyrdy.
Oblysqa ınvestor qarjysyn tartýda Aqtaý arnaıy ekonomıkalyq aımaǵynyń úlesi zor. Arnaıy ekonomıkalyq aımaǵy ashylǵaly 200 mlrd teńgeden astam ınvestıııa quıyldy. Búginde bul aımaqta 19 óndiris oshaǵy jumys istep tur. Onda 1800-ge tarta adam eńbek etýde. Aldaǵy ýaqytta sheteldik jáne otandyq ınvestorlardyń qatysýymen taǵy 14 joba júzege asyrylmaq. Onyń 5-i bıyl iske qosylady.
Prezıdent Joldaýy Mańǵystaýda jańa ken oryndarynyń ashylýyna da tyń serpin beretin boldy. Memleket basshysy geologııalyq barlaý jáne jer qoınaýyn keshendi zertteýdi tapsyrdy.
Oblys ákiminiń aıtýynsha, bul baǵytta Ózen, Jetibaı, Qalamqas jáne taǵy da basqa ken oryndarynda geologııalyq barlaý jumystary júrgizilmek. Atalǵan bastama búginde oblysta ázirlenip jatqan áleýmettik-ekonomıkalyq damý keshendi josparyna endi.
— Bul aımaqtaǵy munaı qoryn anyqtaýǵa, munaı men gaz óndirý kólemin ulǵaıtýǵa jáne munaı kompanııalaryna qyzmet kórsetetin mekemelerdiń jumys kólemin arttyrýǵa múmkindik beredi,-dedi S.Trumov.
Elimizde 2030 jylǵa qaraı sý tapshylyǵynyń kólemi 40 paıyzǵa jetýi múmkin. Atalǵan máseleniń aldyn alý úshin Prezıdent jańa Joldaýynda atqarýshy organdarǵa naqty tapsyrmalar júktedi. Memleket basshysy "Astrahan-Mańǵystaý" magıstraldy sý qubyrynyń jańǵyrtylatynyn jáne Kendirlide sý tuytý zaýytyn salý qajettigin aıtty.
Oblys ákimi S.Trumovtyń aıtýynsha, qazir bul zaýyttyń jobalyq-smetalyq qujattamasy jasaqtalýda. Quny 87 mlrd.teńge bolatyn joba táýligine 50 myń tekshe metr sý tuytady dep josparlanyp otyr. Kásiporyn iske qosylǵanda Jańaózen qalasy turǵyndaryn taza aýyz sýmen qamtyp, qalanyń tirshilik nárine degen suranysyn tolyq ótemek.
— Kópten kútken máseleniń sheshilýine jol ashqan Memleket basshysyna Mańǵystaý jurtshylyǵynyń atynan alǵys aıtamyn,-dedi óńir basshysy.
Ótken jyly oblys ákiminiń bastamasymen jaz aılarynda týyndaıtyn sý tapshylyǵyn boldyrmas úshin 5 jyldyq jospar qabyldandy. Aqtaý qalasy jáne oǵan irgeles ornalasqan Munaıly, Qaraqııa aýdandarynyń aýyldaryn aýyz sýmen jetkilikti deńgeıde qamtamasyz etý maqsatynda "Kaspıı" sý tuytý zaýytynyń qýatyn eki ese ıaǵnı 40 myń tekshe metrge deıin ulǵaıtý kózdelgen edi. Qazir jumys qarqyndy júrgizilýde. Jobany 2022 jyldyń basynda aıaqtaý josparlanǵan.
"QazMunaıGaz" ulttyq kompanııasy "Qarajanbas" ken ornynda táýligine 17 myń tekshe metr sý tuytatyn zaýyt salyp jatyr. Bul zaýyt bıyl jyl sońyna iske qosylady dep kútilýde. Óndiristen aýysqan sý turǵyndardyń qajetine alynatyn bolady.
"MAEK-Qazatomónerkásip" JShS-na qarasty táýligine 24 myń tekshe metr sý tuytatyn qondyrǵysyn salý josparlanǵan. Qazir jobalyq-smetalyq qujattamasy jasaqtalýda. Qujat tolyq rásimdelip bitkennen keıin, jobany keler jyly bastaý kózdelýde.
Fort-Shevchenko qalasynda qýaty táýligine 5 myń tekshe metrdi quraıtyn sý tuytý qondyrǵysyn NKOK kompanııasynyń oblys úshin áleýmettik qoldaý aıasynda iske asyrý josparlanyp otyr. Dál osyndaı joba Aqshuqyr jáne Saıyn Shapaǵatov eldi mekenderinde de salynady.
— Quıylys - Munaıly – Aqtaý baǵytynda jańa sý qubyry tartylady. Óńirdegi sý kózderin izdestirý-zertteý jumystary qolǵa alyndy. Bul aldaǵy jyldary oblys jurtshylyǵyn sýmen qamtý úshin naqty sharalar qabyldaýǵa múmkindik beredi degen senimdemiz,-dedi oblys ákimi S.Trumov.
Joldaýda Memleket basshysy halqymyzdyń ál-aýqatyn arttyrýǵa arnalatyn 5 negizgi bastamany belgiledi. 2022 jyldyń 1 qańtarynan bastap eń tómengi jalaqy mólsheri 42 500 teńgeden 60 myń teńgege deıin kóbeıetin boldy. Eńbekaqynyń ósýi 19365 mańǵystaýlyq turǵynǵa oń áserin tıgizbek.
Sonymen qatar Mańǵystaý oblysy boıynsha 52 myńnan astam azamattyq qyzmetshilerdiń (mádenıet qyzmetkerleriniń, muraǵatshylardyń, kitaphanashylardyń, tehnıkalyq qyzmetkerlerdiń, qoryqshylardyń, kólik júrgizýshileriniń) eńbekaqysy 2022 jyldan 2025 jylǵa deıin 20 paıyzǵa ósetin boldy.
Sóziniń sońynda S.Trumov mańǵystaýlyqtardy jańa Joldaýdy judyryqtaı jumyla júzege asyrýǵa shaqyrdy.
"Adyrna" ulttyq portaly.
