2 qyrkúıekte tanymal úndi akteri jáne ataqty model Sıdhart Shýkla Mýmbaıda qaıtys boldy. Ol nebári 40 jasta edi, - dep habarlaıdy “Adyrna” ulttyq portaly Tengrinews.kz saıtyna silteme jasap.
Hindustan Times Basylymnyń málimetinshe, tańerteń akter ınfarkttan keıin aýrýhanaǵa jetkizilgen. Alaıda dárigerler onyń ómirin qutqara almady.
"Ólimniń aldyn-ala sebebi - ınfarkt. Aýtopsııadan naqty sebebin anyqtalady", - dedi aýrýhananyń sot-medıınalyq bóliminiń dárigeri.
Akterdiń qaıtys bolýy týraly jańalyq teledıdar men Bollıvýd ındýstrııasynyń ataqty adamdaryna qatty soqqy boldy. Akterdiń áriptesteri men jankúıerleri ony eske alyp, áleýmettik jelide jazba jarııalap jatyr.
Sıdhart Shýkla 1980 jyly 12 jeltoqsanda Mýmbaıda dúnıege kelgen. Mansap jolyn model retinde bastaǵan. 2005 jyly Túrkııadaǵy "álemniń úzdik modeli" baıqaýynda ol Úndistan atynan shyǵyp, Azııa, Latyn Amerıkasy jáne Eýropadan kelgen 40 saıyskerden basym túsip, tıtýldy jeńip alǵan alǵashqy úndi, sondaı-aq alǵashqy azııalyq bolǵan edi.
2008 jyly kınoda debıýt jasaǵan. " "Ia - lıýbov", "Nevesta", "Voın", "Bıznes po-kazahskı" fılmderine túsken.
