Búgin Atyraýda jaratylystaný baǵytynda jańasha formatta bilim beretin Zııatker mamandandyrylǵan mektep lıeı-ınternaty ashyldy.
Elimiz boıynsha tuńǵysh Atyraýda boı kótergen mekteptiń ashylý rásimine oblys ákimi Mahambet Dosmuhambetov arnaıy qatysty.
-Atyraý oblysynda bilim berýdi damytýdyń 2021-2022 jyldarǵa arnalǵan jol kartasy qabyldandy. Karta aıasynda Zııatker mektebiniń tusaýy kesilýde. Boı kótergen bilim shańyraǵy Táýelsiz elimizdiń zııaly jastarynyń altyn besigi bolady dep senemiz – dedi, oblys ákimi Mahambet Dosmuhambetov.
Táýelsizdigimizdiń 30 jyldyǵyna oraı, ashylyp jatqan mekteptiń keleshegi zor.
"Mektepke arnalǵan oqý-baǵdarlamalaryn, mektepten tys jumys isteıtin úıirmelerdiń barlyq baǵdarlamalaryn tabys etetin bolamyz. Bul balalardyń alǵan bilimderin praktıkada paıdalanyp jan-jaqty damýlaryna yqpaly mol bolmaq, - dedi «Nazarbaev zııatkerlik mektebi» derbes bilim berý uıymdarynyń basqarma tóraıymy Kúlásh Shamshıdınova.
500 oryndyqty qamtamasyz etetin mektep – lıeıine, bıylǵy oqý jylynda 9 - 10 – 11 synypqa 150 oqýshy qabyldandy. Bolashaqta mektep bazasynan jataqhana salý josparda bar.
"Oblys, aýdandardan daryndy oqýshylardy qabyldap bilimderin arttyrý basty maqsatymyz.Mektebimiz qazaq tilinde sabaqtar ótkizedi. Keler jyly úsh tildi qamtý josparda bar. Qazirgi tańda arnaıy testileýden ótken 15 muǵalim bilim ordasyna qyzmet etedi. Jalpy mektep bıylǵy jyly 9 synyp oqýshylaryn da qabyldady. Keleshekte mektep 10-11 synyppen jumys jasaıdy dep atap ótti" zııatker mektep lıeıiniń dırektory Nurjan Qarataev.
Zııatker mektep lıeıi oblysymyzdyń joǵary oqý oryndary men Nazarbaev zııatkerlik mektepterimen yntymaqtastyq týraly memarandýmǵa qol qoıdy .
J. Dosmuhamedov atyndaǵy daryndy balalarǵa arnalǵan oblystyq ınternatta úzdik oqýshy atanyp, emtıhannan joǵary ball jınap Zııatker mektep lıeıine oqýǵa túsken Aıda Maksımovnada óz qýanyshymen bólisti.
-Alǵash oqýǵa túskenimdi ákem telefon soǵyp habarlady. Qýanyshymda shek bolmady. Sebebi men qalaǵan pánder osynda tereńdetilip oqytylady, dedi ol.
Osylaısha, Zııatker mektebi balalardyń jastaıynan ǵylymmen aınalysyp, óz jobalaryn qorǵaýyna múmkindik beredi.
