Qyzylordada mas júrgizýshi basqarǵan Toyota Land Cruiser baǵdarshamda turǵan jedel járdem kóligine soǵyldy, - dep habarlaıdy “Adyrna” ulttyq portaly inbusiness.kz saıtyna silteme jasap.
Oqıǵa 29 tamyzda tańerteń bolǵan.
"Apat saldarynan eki adam jaraqat aldy - feldsher Omarova men jedel járdem júrgizýshisi Maenov. Ekeýi de medıınalyq mekemege jetkizilgennen keıin qaıtys boldy", - dedi polıeıler.
Tekserý kezinde Toyota Land Cruiser júrgizýshisi ortasha dárejedegi mas kúıde bolǵany anyqtaldy. Sonymen qatar, ol Qyzylorda qalalyq mamandandyrylǵan ákimshilik sotynyń 2016 jylǵy qarashadaǵy qaýlysyna sáıkes bes jylǵa júrgizýshi kýáliginen aıyrylǵan.
Jol-kólik oqıǵasy deregi boıynsha QR QK 346-babynyń 6-tarmaǵyna sáıkes ("Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý") qylmystyq is qozǵaldy.
Bul tarmaq belgili bir laýazymdardy atqarý nemese belgili bir qyzmetpen aınalysýǵa ómir boıyna tyıym salynyp, 8 jyldan 10 jylǵa deıingi merzimge bas bostandyǵynan aıyrý túrindegi jazany qarastyrady. Qazirgi ýaqytta djıp júrgizýshisi ýaqytsha ustaý ızolıatoryna qamaldy. Tıisti saraptamalar taǵaıyndaldy. Oqıǵanyń mán-jaıy naqtylanyp jatyr.
