30 tamyz - Konstitusiia künı jäne QR Täuelsızdıgınıŋ 30 jyldyǧy aiasynda Şymkent qalasynda 220 kV elektr quatyn beretın «Bozaryq» qosalqy elektrstansiiasy ıske qosyldy.
Energokeşennıŋ aşyluyna qala äkımı Mūrat Äitenov qatysyp, būqaralyq aqparat qūraldary ökılderıne nysannyŋ strategiialyq maŋyzy jönınde maǧlūmat berdı.
Qūrylystyŋ soŋǧy satysynda keşenge elektr quaty berılıp, 72 saǧattyq merzımde tehnikalyq synaq jūmystary jürgızılıp, sättı ötken.
"Bozaryq" qosalqy elektr stansiiasy negızgı keşen sanalyp, ol quaty 110/35/10 kV bolatyn 5 qosalqy elektr stansiialarynyŋ qosylu közı bolyp tabylady. Osy keşennen quat alatyn «Nūrsät», «Astana-1», «Astana-2» qosalqy stansiialarynyŋ qūrylystary aiaqtalǧan. «1-M-1» stansiiasynyŋ qūrylysy jalǧasyp jatsa, «Yntymaq» qosalqy stansiiasynyŋ joba-smetalyq qūjatyn äzırleuge tapsyrys berılgen.
Keşennıŋ ıske qosyluymen Asar-2, Tūran, Yntymaq-2, Soltüstık saiajai, Batys, Bozaryq, Qainarbūlaq, Şymkentsiti, Dostyq, Nūrsät şaǧyn audandarynda elektr quatynyŋ sapasy artady.
Aita ketu kerek, "Bozaryq" qosalqy elektr stansiiasy qalanyŋ qūrylysy qarqyn alǧan soltüstık bölıgın elektr quatymen qamtamasyz etpek. Mūnda jaŋa şaǧyn audandar boi köterıp, jaŋa öndırıstık aimaqtyŋ ırgesı qalanǧan.
"Memleket basşysynyŋ tapsyrmasy boiynşa salynǧan būl keşen 250 myŋnan astam halyqty sapaly elektr energiiasymen qamtityn bolady. Qalamyz ırı öndırıstık ortalyq retınde qalyptasyp otyr. "Bozaryq" elektr stansiiasy strategiialyq nysan retınde şahardaǧy elektr quatynyŋ jetıspeuşılıgın şeşedı", - dedı M.Äitenov.
Aita ketu kerek, "Bozaryq" qosalqy elektr stansiiasy qalanyŋ qūrylysy qarqyn alǧan soltüstık bölıgın elektr quatymen qamtamasyz etpek. Mūnda jaŋa şaǧyn audandar boi köterıp, jaŋa öndırıstık aimaqtyŋ ırgesı qalanǧan.
Şymkent qalasynyŋ äkımdıgı
